احمد آباد کے ای کے اے ایرینا میں میں منعقد ہونے والے 70 ویں ہنڈائی فلم فیئر ایوارڈز میں بھارتی فلم انڈسٹری کے بہترین فنکاروں اور فلموں کو ایوارڈز سے نوازا گیا۔
تقریب میں ستاروں کی چمک دمک، فنکاروں کی پرفارمنسز اور فلمی جوش و خروش نے ماحول کو یادگار بنا دیا۔ شاہ رخ خان 17 سال بعد بطور میزبان اسٹیج پر واپس آئے، ان کے ساتھ کرن جوہر اور منیش پال نے میزبانی کے فرائض انجام دیے۔
یہ بھی پڑھیں: 30 سال پہلے فلم فیئر ایوارڈ کی جھلک، کون کیسا دکھائی دیتا تھا؟
ہدایت کار کرن راؤ کی فلم لاپتا لیڈیز نے تقریب میں سب پر سبقت حاصل کر لی، فلم نے 13 ایوارڈز جیت کر ریکارڈ قائم کیا، جن میں بہترین فلم، ہدایت کاری، اسکرین پلے، میوزک اور کاسٹیوم ڈیزائن کے شعبے شامل ہیں۔
کرن راؤ نے ایوارڈ وصول کرتے ہوئے کہا کہ اُن کی فلم اب واقعی لاپتا نہیں بلکہ ناظرین کے دلوں میں جگہ بنا چکی ہے۔
https://twitter.com/updatenownews/status/1977151791222735342/video/3
عالیہ بھٹ فلم جگرا میں شاندار کارکردگی پر اُنہیں بہترین اداکارہ کا ایوارڈ دیا گیا۔ عالیہ بھٹ نے ایوارڈ وصول کرتے ہوئے کہا کہ جگرا اُن کے دل کے قریب ترین کرداروں میں سے ایک ہے۔ اُنہوں نے اپنے ڈائریکٹر اور ساتھی اداکاروں کا شکریہ ادا کرتے ہوئے کہا کہ وہ بھارتی سنیما کے بڑھتے ہوئے معیار پر فخر محسوس کرتی ہیں۔
یہ بھی پڑھیں: دلیپ کمار کا حقیقی بھائی ’ ناصر خان ‘ پاکستان کا پہلا فلمی ہیرو
بہترین اداکار کا ایوارڈ کارتیِک آریان کو چندو چیمپیئن اور ابھیشیک بچن کو I Want To Talk میں عمدہ کارکردگی پر دیا گیا۔ معاون کرداروں میں روی کشور اور چھایا قدم نے بالترتیب بہترین اداکار اور اداکارہ کے ایوارڈز اپنے نام کیے۔
Alia Bhatt has become the biggest winner in the Best Actress category at the Filmfare Awards with 6 wins in total! 💛
• Udta Punjab (2017)
• Raazi (2019)
• Gully Boy (2020)
• Gangubai Kathiawadi (2023)
• Rocky Aur Rani Kii Prem Kahaani (2024)
• Jigra (2025) pic.twitter.com/NTAMiD78wN— Alia Bhatt Updates (@abhattupdates) October 11, 2025
زینت امان اور شیام بینیگل کو لائف ٹائم اچیومنٹ ایوارڈ سے نوازا گیا، جبکہ اچنت ٹھکّر کو فلم جگرا اور Mمسٹر اینڈ مسز ماہی کے لیے ابھرتے ہوئے موسیقار کا اعزاز دیا گیا۔
تقریب کے یادگار لمحات میں شاہ رخ خان اور کاجول نے اسٹیج پر اپنی کلاسک فلم کچھ کچھ ہوتا ہے کا مشہور منظر دوبارہ پیش کیا، جس پر شائقین پرجوش ہوگئے۔
یہ بھی پڑھیں: گووندا ایک ارب روپے کے فلمی منصوبوں کا حصہ کیوں نہیں بنے؟
آخر میں فلم فیئر ایوارڈز نے ایک بار پھر یہ ثابت کیا کہ بھارتی سنیما اپنی تخلیقی بلندیوں کی نئی تاریخ رقم کر رہا ہے اور اس بار سب سے زیادہ تعریف سمیٹی عالیہ بھٹ اور لاپتا لیڈیز نے۔
Heartiest congratulations to Himachal’s pride, @PratibhaRanta , on winning the Critics Award for Best Actor (Female) at Filmfare Awards 2025! 🌟
Your remarkable achievement has brought immense pride to our Devbhoomi and inspired countless dreamers. Truly well deserved! 👏💫 pic.twitter.com/MWPbhx1Szd— Rahul Sharma (@irahulharoli) October 12, 2025
