وفاقی دارالحکومت اسلام آباد سمیت ملک کے مختلف علاقوں میں زلزلے کے جھٹکے محسوس کیے گئے ہیں۔
یااللہ خیر زلزلہ پاکستان میں
— Fakhar khan khilji (@fakharkhan313) October 21, 2025
زلزلے کے جھٹکے راولپنڈی، پشاور، سوات، دیر مالاکنڈ اور دیگر علاقوں میں محسوس کیے گئے۔
زلزلے کے باعث لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے، اور ہر طرف خوف و ہراس پھیل گیا۔
زلزلے کے جھٹکے آزاد کشمیر اور گلگت بلتستان کے مختلف علاقوں میں بھی محسوس کیے گئے ہیں، تاہم ابھی تک کسی بھی علاقے سے جانی یا مالی نقصان کی کوئی اطلاع موصول نہیں ہوئی۔
زلزلہ پیما مرکز کے مطابق ریکٹر اسکیل پر زلزلے کی شدت 5.3 ریکارڈ کی گئی۔ زلزلےکا مرکز ہندوکش ریجن افغانستان تھا، جبکہ گہرائی 234 کلومیٹر ریکارڈ کی گئی۔
