پاکستان سپر لیگ (پی ایس ایل) کی فرنچائزز کے ساتھ نئے 10 سالہ معاہدے کی تیاریاں حتمی مرحلے میں داخل ہو گئی ہیں۔ 2 نئی ٹیموں کے اضافے کے بعد لیگ میں فرنچائزز کی تعداد 6 سے بڑھ کر 8 ہونے جا رہی ہے۔
چارٹرڈ فرم ای وائے مینا کے نمائندوں نے چیئرمین پاکستان کرکٹ بورڈ (محسن نقوی) سے ملاقات کی، جس میں چیف ایگزیکٹو آفیسر پی ایس ایل سلمان نصیر اور سی او او سمیر سید بھی شریک تھے۔
مزید پڑھیں: پی ایس ایل 11 میں 2 نئی ٹیموں کی شمولیت، چیف ایگزیکٹو نے تصدیق کردی
ملاقات کے دوران محسن اقبال اور ان کی ٹیم نے پی ایس ایل کی ویلیوایشن رپورٹ پیش کی۔
پی ایس ایل فرنچائز کے نئے 10 سالہ معاہدے کی تیاریاں آخری مراحل میں
چارٹرڈ فرم ای وائے مینا کے نمائندوں کی چیئرمین پی سی بی محسن نقوی سے ملاقات
چیف ایگزیکٹو آفیسر پی ایس ایل سلمان نصیر اور سی او او سمیر سید بھی موجود تھے
محسن اقبال اور انکی ٹیم نے پی ایس ایل کی ویلیوایشن رپورٹ… pic.twitter.com/gHMf3AdfOP
— PCB Media (@TheRealPCBMedia) October 26, 2025
چیئرمین پی سی بی محسن نقوی نے رپورٹ کے مختلف پہلوؤں پر سوالات اٹھائے اور چارٹرڈ فرم کو ہدایت دی کہ وہ تمام فرنچائزز سے ملاقاتیں کرکے معاہدوں کو جلد از جلد حتمی شکل دے۔
مزید پڑھیں: شاہد آفریدی نے پشاور میں پی ایس ایل اور بین الاقوامی سطح کے میچز کرانے کا مطالبہ کردیا
ذرائع کے مطابق، نئے معاہدے ویلیوایشن رپورٹ کی بنیاد پر طے کیے جائیں گے، جبکہ چارٹرڈ فرم ای وائے مینا فرنچائزز کی نئی مارکیٹ ویلیو کا تعین کرے گی۔
پی ایس ایل کی 6 فرنچائزز کے موجودہ کنٹریکٹ دسمبر میں ختم ہو رہے ہیں، اور نئے معاہدے صرف اہل فرنچائزز کے ساتھ کیے جائیں گے۔
