قومی اسمبلی کے اجلاس کا شیڈول تبدیل کردیا گیا، اب اجلاس 22 مئی کو ہو گا۔
قومی اسمبلی سیکرٹریٹ سے اجلاس کے شیڈول میں تبدیلی کے جاری سرکلر میں کہا گیا ہے کہ منگل 23 مئی کو قومی اسمبلی کے اجلاس کے شیڈول کو تبدیل کر دیا گیا ہے۔
اب اجلاس 23 مئی کے بجائے 22 مئی پیر کو ایک روز قبل ہو گا۔ جاری بیان میں کہا گیا ہے کہ اجلاس پیر کو 4 بجے پارلیمنٹ میں منعقد ہوگا۔
شیڈول میں تبدیلی کی وجوہات نہیں بتائی گئیں تاہم واضح رہے کہ 23 مئی کو سپریم کورٹ آف پاکستان میں صوبہ پنجاب میں انتخابات کے انعقاد کے حوالے سے سپریم کورٹ کے فیصلے کے خلاف الیکشن کمیشن آف پاکستان کی نظر ثانی کی درخواست پر سماعت بھی ہو نے جا رہی ہے۔
سب کی خبر
