بابراعظم گاڑی کے ٹوکن ٹیکس کے نادہندہ نکلے

پاکستان کرکٹ ٹیم کے کپتان بابراعظم گاڑی کے ٹوکن ٹیکس کے نا دہندہ نکلے، محکمہ ایکسائز کے توجہ دلاؤ نوٹس پر فوری ٹیکس جمع کروا دیا۔
لاہورمحکمہ ایکسائز اینڈ ٹیکسیشن کا بغیر نمبر پلیٹ اور گاڑیوں کے ٹوکن ٹیکس کے نا دہندہ اور ڈیفالٹرزکے خلاف آپریشن جاری ہے۔
محکمہ ایکسائز اینڈ ٹیکسیشن کے نان ٹیکس ٹوکن گاڑیوں کے خلاف آپریشن کے دوران نوٹس میں آیا کہ پاکستان کرکٹ بورڈ کے کپتان اور مایہ ناز بلے باز بابر اعظم نے اپنی گاڑی کا ٹوکن ٹیکس ادا نہیں کیا جس پر محکمہ نے انہیں توجہ دلاؤ نوٹس جاری کیا۔
ایکسائز ٹیم نے جوں ہی بابر اعظم کو ٹوکن ٹیکس کی ادائیگی بارے آگاہ کیا تو انہوں نے فوری لبرٹی چوک پہنچ کر محکمہ ایکسائز کی ٹیم کو فوری ٹوکن ٹیکس ادا کر دیا۔