ایشیا کپ رائزنگ اسٹارز 2025 کے میچ میں پاکستان شاہینز نے متحدہ عرب امارات کو 9 وکٹوں سے شکست دے دی۔
دوحہ میں کھیلے جانے والے میچ میں یو اے ای نے ٹاس جیت کر پہلے بیٹنگ کا فیصلہ کیا، تاہم پوری ٹیم 59 رنز بنا کر آؤٹ ہوگئی، جبکہ جواب میں پاکستان شاہینز نے ہدف چھٹے اوور میں حاصل کرلیا۔
ACC Men’s Asia Cup Rising Stars 2025🏏
🇵🇰 Shaheens bowl UAE out for 59 in 18 overs🔥#PAKvUAE #BackTheBoysInGreen pic.twitter.com/E6TUTFuKaG
— PCB Media (@TheRealPCBMedia) November 18, 2025
یو اے ای کی جانب سے سید حیدر 20 جبکہ فرازالدین 12 رنز بنا کر نمایاں رہے۔ کھلاڑی وکٹ پر آتے اور جاتے رہے۔
پاکستان شاہینز کی جانب سے سفیان مقیم نے 3 وکٹیں حاصل کیں، جب کہ احمد دانیال نے 2 کھلاڑیوں کو پویلین کی راہ دکھائی۔
پاکستان شاہینز کی جانب سے معاذ صداقت 37 رنز بناکر ٹاپ اسکورر رہے جب کہ محمد نعیم 6 رنز بناکر آؤٹ ہوئے۔
پاکستان شاہینز اس ایونٹ میں مسلسل کامیابیاں سمیٹ رہے ہیں۔ اس سے ٹیم نے بھارت اے کو 8 وکٹوں سے شکست دے کر سیمی فائنل کے لیے کوالیفائی کیا تھا۔
ایشین کرکٹ کونسل کے مطابق پاکستان شاہینز نے 3 میں سے 3 میچ جیت کر ایونٹ کے سیمی فائنل میں جگہ بنا لی ہے۔
