وزیراعظم پاکستان شہباز شریف نے پاکسان مسلم لیگ کے صدر چوہدری شجاعت سے ان کی رہائشگاہ پر ملاقات کی ہے۔
میڈیا رپورٹس کے مطابق وفاقی وزیر چوہدری سالک حسین نے وزیراعظم کا استقبال کیا۔ شہباز شریف نے ملاقات کے دوران چوہدری شجاعت کی خیریت دریافت کی۔
شہبازشریف اور چوہدری شجاعت حسین نے ملکی صورتحال پر تبادلہ خیال کیا اور اس موقع پر وزیراعظم نے 9 مئی کے واقعات میں ملوث ملزمان کو سزا دینے کے چوہدری شجاعت کے بیان کو سراہا۔
اس موقع پر چوہدری شجاعت حسین نے کہا کہ ہر محب وطن پاکستانی قومی ندامت کا باعث بننے والوں کو سزا چاہتا ہے۔
وزیراعظم نے چوہدری شجاعت کو یقین دہانی کرائی کہ قوم اور شہداء کے اہل خانہ کے دِل کو جوٹھیس پہنچی ہے اس درد کا ازالہ کریں گے۔
چوہدری شجاعت حسین نے ملک کو مسائل سے نکالنے کے لیے وزیراعظم شہباز شریف کے جذبے اورخدمات کو سراہا۔
اس موقع پر وزیراعظم نے اتحادی جماعتوں کی بھرپور حمایت، تعاون اور رہنمائی پر شکریہ ادا کیا جبکہ ملاقات میں چوہدری شافع حسین بھی موجود تھے۔
