پاکستان تحریکِ انصاف کے بانی چیئرمین عمران خان سے ملاقات نہ کرائے جانے پر اڈیالہ جیل کے باہر ان کی بہنوں نے احتجاجی دھرنا دیا تاہم پولیس نے کارروائی کرنے کے بعد دھرنا ختم کروادیا۔
تینوں بہنوں علیمہ خان، نورین نیازی اور عظمیٰ خان ہہنوں نے دن 2 بجے سے دھرنا دیا ہوا تھا۔ ابتدا میں پولیس نے مظاہرین سے مذاکرات کرکے دھرنا ختم کرانے کی کوشش کی تاہم بات چیت ناکام رہی جس کے بعد پولیس نے کارروائی کی اور متعدد کارکنان کو حراست میں لے لیا۔ رکن قومی اسمبلی شاہد خٹک اور خیبرپختونخوا کے صوبائی وزیر مینا آفریدی کو بھی پولیس نے حراست میں لیا۔
رات کے اس پہر اڈیالہ جیل کے قریب @ImranKhanPTI کی تینوں بہنیں تنِ تنہا سڑک پر دھرنا دئیے بیٹھی ہیں،کہاں گئی پارٹی،کہاں گئے پارٹی لیڈر،کہاں گئے کارکنان، کہاں گئے وکلاء، سوشل میڈیا پر تو تحریک زوروں پر ہے۔ pic.twitter.com/Am8c4cwyPP
— Shabbir Dar (@ShabbirDar5) November 18, 2025
مذاکرات کی ناکامی کے بعد راولپنڈی پولیس نے دھرنے کے شرکا کے خلاف کریک ڈاؤن کا آغاز کرتے ہوئے مرد کارکنوں کو گرفتار کرنا شروع کردیا۔
پولیس کارروائی کے باوجود بانی پی ٹی آئی عمران خان کی بہنیں اپنا دھرنا جاری رکھے ہوئے ہیں۔
واضح رہے کہ آج جیل میں عمران خان سے ملاقاتوں کا دن تھا، تاہم بہنوں سمیت کسی سے بھی ملاقات نہ ہو سکی۔
