27 ویں آئینی ترمیم کی منظوری کے لیے قومی اسمبلی کا اجلاس جاری ہے، اجلاس کے دوران حکومتی اور اپوزیشن رہنماؤں نے آئینی ترمیم پر تفصیلی اظہار خیال کیا جبکہ سابق وزیراعظم نواز شریف بھی ووٹ دینے کے لیے اسمبلی ہال پہنچے۔
یہ بھی پڑھیں: 27ویں آئینی ترمیم، پی ٹی آئی کا قومی اسمبلی اجلاس سے واک آؤٹ
اپوزیشن اراکین کی جانب سے اجلاس کے دوران احتجاج جاری رہا تاہم ایک موقع ایسا آیا کہ جب اپوزیشن اراکینوں کو زمین پر بیٹھنا پڑ گیا۔
اسپیکر قومی اسمبلی نے جب وزیر قانون اعظم نذیر تارڑ کو 27ویں آئینی ترمیم کی تحریک پیش کرنے کی ہدایت کی تو اپوزیشن جماعتوں کا احتجاج شدت اختیار کر گیا، محمود خان اچکزئی اور پی ٹی آئی اراکین نے نعرے بازی شروع کردی اور اسپیکر کے ڈائس کے گرد کھڑے ہو گئے۔
27ویں آئینی ترمیم کے خلاف پاکستان تحریک انصاف کے اراکین کا قومی اسمبلی میں بھرپور احتجاج جاری، یاد رکھنا پاکستانیوں بدترین جبر و فسطائیت کے باوجود عمران خان کے سپاہی آواز حق بلند کرتے رہے تھے تب جب تمام سیاسی جماعتیں کالی ترمیم کو پاس کروانے میں سہولتکار بنی ہوئی تھیں۔… pic.twitter.com/lceMfw23wR
— PTI Sindh (@PTISindhX) November 12, 2025
تحریک کی منظوری کے لیے اسپیکر قومی اسمبلی نے تحریک کی حمایت میں اراکین کو کھڑے ہونے کی ہدایت کی جس پر حکمران اتحاد میں شامل تمام اراکین اپنی نشستوں پر کھڑے ہو گئے اور گنتی کا عمل شروع کر دیا گیا۔
یہ بھی پرھیں: 27ویں آئینی ترمیم میں تکینکی غلطی نہیں، قومی اسمبلی نے اچھی تجاویز دیں جس پر غور ہورہا ہے، وزیر قانون اعظم نذیر تارڑ
اس موقع پر اسپیکر قومی اسمبلی نے قومی اسمبلی میں اپوزیشن کے چیف وہیپ عامر ڈوگر کو مخاطب کرتے ہوئے کہا کہ آپ لوگ بھی کھڑے ہیں اور ہر کھڑا ہوا شخص گنتی میں شمار ہوگا، جس پر اپوزیشن اراکین اسپیکر ڈائس کے سامنے زمین پر ہی بیٹھ گئے۔
