چینی گلائیکولک ایسڈ کا بہترین ذریعہ ہے جو جلد کو نکھارتی ہے اور خشکی سے محفوظ رکھتی ہے۔
چہرہ کی جلد میں نکھار لانے کے لیے آپ چینی سے بنے 4 اسکربز میں سے کوئی بھی ایک گھر میں تیار کر کے استعمال کر سکتے ہیں۔
1- لیموں اور چینی کا اسکرب
باریک پسی ہوئی چینی میں 4لیموں کا رس ملائیں اور پیسٹ بنا لیں۔
اب اس پیسٹ کو چہرہ پر لگائیں اور آہستہ آہستہ مساج کریں۔
چہرہ پر اس وقت تک مساج کریں جب تک چینی کے ذرات اچھی طرح تحلیل نہ ہو جائیں ۔
چینی کے ذرات تحلیل ہو جانے کے بعد چہرہ پانی سے دھو لیں۔
2-سبز چائے اور چینی کا اسکرب
ایک چائے کاچمچ سبز چائے کے پتے، ایک چائے کا چمچ چینی اور 4 قطرے زیتون کے تیل کے مکس کر لیں اور پیسٹ بنا لیں۔
اب اس پیسٹ کو چہرے پر 10 منٹ تک لگا رہنے دیں۔
10 منٹ کے بعد چہرہ دھولیں۔
3- جو کا دلیہ اور چینی کا اسکرب
ایک کھانے کا چمچ دلیہ میں ایک چائے کا چمچ پسی ہوئی چینی اور 5 قطرے زیتون کے تیل کے مکس کر کے پیسٹ بنا لیں۔
اس پیسٹ کو چہرہ پر لگائیں اور 10 منٹ کے بعد چہرہ پانی سےدھولیں۔
4-زیتون کے تیل اور چینی کا اسکرب
ایک کھانے کے چمچ زیتون کے تیل میں ایک چائے کا چمچ پسی ہوئی چینی مکس کرکے پیسٹ بنا لیں۔
اب اس پیسٹ کو چہرہ پر لگائیں۔
اسکرب سوکھ جانے کے بعد چہرہ دھولیں۔
