بانی پی ٹی آئی عمران خان اور ان کی اہلیہ بشریٰ بی بی کو توشہ خانہ کیس 2 میں عدالت نے 17، 17 سال قید اور فی کس ایک کروڑ 64 لاکھ 25 ہزار 650 روپے جرمانہ عائد کیا ہے۔ اگر یہ جرمانہ ادا نہ کیا گیا تو ہر ایک کو مزید 6 ماہ قید کاٹنا ہوگی۔
مزید پڑھیں: عمران خان کی زائد العمری اور بشریٰ بی بی کے خاتون ہونے پر سزا میں نرمی برتی گئی
عدالت نے اپنے تحریری فیصلے میں کہا ہے کہ استغاثہ نے اپنا مقدمہ ثابت کیا اور دونوں ملزمان خیانت مجرمانہ کے مرتکب پائے گئے۔
عمران خان کو دفعہ 409 PPC کے تحت 10 سال قید اور انسداد رشوت ستانی ایکٹ (دفعہ 5(2) PCA 1947) کے تحت 7 سال قید سنائی گئی۔ بشریٰ بی بی کو بھی مجموعی طور پر 17 سال قید کی سزا دی گئی۔
مزید پڑھیں: توشہ خانہ کیس 2: عمران خان اور بشریٰ بی بی کو مجموعی طور پر 17- 17 سال قید اور جرمانے کی سزا
فیصلے میں عدالت نے عمران خان کی زائد عمر اور بشریٰ بی بی کے خاتون ہونے کو مدنظر رکھتے ہوئے سزا میں نرمی کی، اور ملزمان کے حوالات میں گزارے گئے عرصہ کو بھی سزا میں شامل کیا گیا۔
