سوشل میڈیا پر ایک ویڈیو وائرل ہو گئی ہے جس میں سندھ کے صوبائی وزیر اطلاعات و محنت سعید غنی کو ان کی فیملی کے ساتھ شاپنگ کے دوران ایک اوورسیز پاکستانی نے شدید تنقید کا نشانہ بنایا۔
وائرل ویڈیو میں دیکھا جا سکتا ہے کہ اوورسیز پاکستانی سعید غنی سے مخاطب ہوتے ہوئے کہتا ہے کہ آپ نے میرے شہر کراچی کو تباہ کر دیا جس کی وجہ سے میں وہاں چھوڑ کر باہر چلا آیا اور آپ اب یہاں مزے سے گھوم رہے ہیں۔ آپ اور آپ کی پارٹی کو شرم آنی چاہیے آپ سب کرپٹ ہیں۔
آپ نے میرے شہر کراچی کو تباہ کردیا ہے، آپکو آپکی پیپلزپارٹی کو شرم آنی چاہئیے۔ ایک اوورسیز پاکستانی کا شاپنگ مال میں صوبائی وزیر سعید غنی سے مکالمہ pic.twitter.com/WD7nGQXjFf
— Rizwan Ghilzai (Remembering Arshad Sharif) (@rizwanghilzai) December 28, 2025
ویڈیو کے وائرل ہونے کے بعد سوشل میڈیا صارفین نے مختلف ردعمل ظاہر کیے کئی صارفین نے کہا کہ اوور سیز پاکستانی نے بالکل درست کہا ہے جبکہ دیگر صارفین یہ کہتے نظر آئے کہ سعید غنی کو فیملی کے سامنے ہراساں کیا گیا ہے یہ سلسلہ اب بند ہونا چاہیے۔
ایک صارف نے کہا کہ کوئی اپنی فیملی کے ساتھ ہے شاپنگ کر رہا ہے اور آپ کے بات کرنے پر تمیز تہذیب کے ساتھ جواب بھی دے رہا ہے تو یہ کون سا طریقہ ہے بات کرنے کا۔ بچے کے سامنے گندی زبان کے استعمال پر شرم آنی چاہیے۔ صارفین کا کہنا تھا کہ پیپلز پارٹی سے کراچی کے معاملے میں بہت شکایتیں ہیں مگر یہ رویہ غلط ہے اور سعید غنی کا تحمل قابل تعریف ہے۔
