وزیر داخلہ محسن نقوی نے کہا ہے کہ اسلام آباد میں متعدد منصوبوں کا افتتاح کیا ہے، آج شاہین چوک انڈرپاس کا افتتاح کررہے ہیں۔
اسلام آباد میں میڈیا سے گفتگو کرتے ہوئے ان کا کہنا تھا کہ 2026 میں دوگنا زیادہ منصوبوں کا افتتاح کریں گے، اسلام آباد میں جیل پر بھی تیزی سے کام ہو رہا ہے۔ 15 ارب روپے میں 18 پراجیکٹس مکمل کیے، آج شاہین چوک انڈرپاس کا افتتاح وزیر اعظم شہباز شریف کریں گے۔
یہ بھی پڑھیے: وزیراعظم شہباز شریف نے اسلام آباد میں شاہین چوک انڈرپاس پروجیکٹ کا سنگ بنیاد رکھ دیا
وزیر داخلہ نے کہا ہے کہ اسلام آباد میں ملک کا سب سے خوبصورت کرکٹ گراؤنڈ بنا رہے ہیں، ملک کے ٹاپ 25 ریسٹورینٹس اسلام آباد آرہے ہیں، اگلے سال اسمارٹ سٹی، نیا کنونشن سینٹر اور ایکسپو سینٹر بنائیں گے۔
محسن نقوی نے کہا کہ تعمیراتی منصوبوں کے دوران درخت بچانے کی بھرپور کوشش کررہے ہیں، ایک درخت کاٹتے ہیں تو سو درخت لگاتے ہیں۔
یہ بھی پڑھیے: وزیراعظم شہباز شریف نے اسلام آباد میں شاہین چوک انڈرپاس پروجیکٹ کا سنگ بنیاد رکھ دیا
دارالحکومت میں جاری انسداد تجاوزات آپریشن کے بارے میں ان کا کہنا تھا کہ کسی کی ملکیتی ایک بھی گھر نہیں گرایا ہے، البتہ سرکار کی زمین پر گھر بنانے کی اجازت نہیں۔
