وزیراعظم محمد شہباز شریف کے زیر صدارت وفاقی کابینہ کا اجلاس آج وزیراعظم ہاؤس میں منعقد ہوا، جس میں کابینہ اراکین کو نئے سال کی مبارکباد دی گئی اور ملکی معاشی پیشرفت اور اہم فیصلوں پر تبادلہ خیال کیا گیا۔
اجلاس میں وزیراعظم نے کہا کہ پی آئی اے کے 75 فیصد شیئرز کی نجکاری انتہائی کامیابی سے مکمل ہوئی اور بڈنگ کا عمل شفاف رہا۔ حکومت نے ریاستی ملکیتی خسارے والے اداروں کی نجکاری کو اپنی معاشی اصلاحات کے ویژن کا حصہ بنایا ہے، اور پی آئی اے کی نجکاری اس سلسلے کا اہم سنگ میل ہے۔
مزید پڑھیں: اسلام آباد میں بلدیاتی الیکشن ایک بار پھر ملتوی، وفاقی کابینہ نے منظور دیدی
وزیراعظم نے یہ بھی بتایا کہ رواں مالی سال کی پہلی سہ ماہی میں ملک کی جی ڈی پی میں خاطر خواہ اضافہ خوش آئند ہے اور حکومت نے ملک کو ڈیفالٹ کے دہانے سے نکال کر معاشی استحکام تک پہنچایا ہے۔
وزیراعظم نے متحدہ عرب امارات کے صدر شیخ محمد بن زاید النہیان کے ساتھ حالیہ ملاقاتوں اور سعودی عرب کے ولی عہد محمد بن سلمان سے ٹیلیفون پر ہونے والی بات چیت کا ذکر کرتے ہوئے دونوں ممالک کے درمیان معاشی اور اسٹریٹجک تعلقات کی رفتار پر اطمینان کا اظہار کیا۔
Islamabad: Prime Minister Muhammad Shehbaz Sharif chairs the Federal Cabinet Meeting (Friday, 02 January 2026). pic.twitter.com/SEcguuN4Uk
— Media Talk (@mediatalk922) January 2, 2026
اجلاس میں وفاقی کابینہ نے متعدد سابقہ اجلاسوں کے فیصلوں کی توثیق بھی کی، جن میں کابینہ کمیٹی برائے لیجسلیٹیو کیسز کے 30 دسمبر اور 3 دسمبر 2025 کے اجلاس میں کیے گئے فیصلوں کی توثیق، جس میں اسلام آباد کیپیٹل ٹیریٹری لوکل گورنمنٹ (ترمیمی) آرڈینینس، 2025 کے حوالے سے کارروائی شامل ہے۔
اقتصادی رابطہ کمیٹی کے 26 اگست 2025 کے اجلاس میں کیے گئے فیصلوں کی توثیق، جس میں آف گرڈ (کیپٹو پاور پلانٹ) لیوی کے تحت صارفین کو ریلیف فراہم کرنے اور حکمت عملی ترتیب دینے کے فیصلے شامل ہیں۔
مزید پڑھیں:کوئٹہ بلدیاتی انتخابات ملتوی، 12 سال بعد جاگنے والی امید پھر معدوم، عوام کیا کہتے ہیں؟
پیٹرولیم ڈویژن کی سفارش پر آف دی گرڈ کیپٹو پاور پلانٹس کو گیس کی فروخت کے حوالے سے آف گرڈ لیوی ایکٹ 2025 میں ترمیم کے صدارتی حکمنامے کے اجرا کے لیے کارروائی کی منظوری شامل ہے۔
