وفاقی کابینہ نے وفاقی دارالحکومت میں شیڈول بلدیاتی انتخابات کو دوبارہ ملتوی کرنے کی منظوری دے دی ہے۔ وزیراعظم شہباز شریف کی زیر صدارت ہونے والے مختصر اجلاس میں کابینہ نے چیف کمشنر اسلام آباد کی جانب سے انتخابات سے متعلق بریفنگ کے بعد یہ فیصلہ کیا۔
یہ بھی پڑھیں:اسلام آباد میں بلدیاتی انتخابات تیسری مرتبہ ملتوی، نمائندے کیا کہتے ہیں؟
میڈیا رپورٹ کے مطابق اجلاس میں اسلام آباد میں پنجاب طرز کے بلدیاتی انتخابات کے لیے نئی قانون سازی پر بھی غور کیا گیا اور اسے منظور کیا گیا۔
یاد رہے کہ الیکشن کمیشن نے اسلام آباد کے بلدیاتی انتخابات کے لیے ابتدائی طور پر 15 فروری کی تاریخ مقرر کی تھی، جس کے نتائج 16 سے 19 فروری کے درمیان مرتب کیے جانے تھے۔
تاہم انتظامی اور قانونی وجوہات کی بنیاد پر یہ انتخابات پہلے بھی ملتوی ہو چکے ہیں۔ اس فیصلے کے ساتھ حکومت نے وفاقی دارالحکومت میں بلدیاتی انتخابات کی قانونی فریم ورک کو مزید مضبوط کرنے کی کوشش کی ہے، تاکہ آئندہ کے انتخابات شفاف اور منظم انداز میں منعقد ہو سکیں۔
