بحر اسود میں روس جانے والے بحری ٹینکر پر ڈرون حملہ

بحر اسود میں ایک تیل لے جانے والا ٹینکر جو روس کے پورٹ نووروسییسک جا رہا تھا، پر ڈرون سے حملہ کیا گیا ہے۔ یہ ٹینکر ترکیہ کے ساحل سے قریباً 30 بحری میل کے فاصلے پر تھا۔

مزید پڑھیں: صدر زرداری کا روسی صدر کی رہائشگاہ پر ڈرون حملے پر تشویش کا اظہار

ترکی کے کوسٹ گارڈ نے جہاز سے ہنگامی کال وصول کی اور اسے ساحل تک محفوظ پہنچایا۔ جہاز کے اوپری حصے کو نقصان پہنچا، لیکن کوئی جانی نقصان یا ماحولیاتی آلودگی نہیں ہوئی۔

Russia-bound tanker attacked in Black Sea – media
A drone has reportedly targeted the vessel end route to the port of Novorossiysk.@AmirSaeedAbbasi pic.twitter.com/Oyn4Th7nKo

— Media Talk (@mediatalk922) January 9, 2026

خبروں کے مطابق نومبر کے بعد سے کم از کم 5 روسی ٹریڈنگ ٹینکرز پر یوکرائنی ڈرون حملے ہوئے ہیں۔ یہ ٹینکر پہلے ہی روس پر مغربی ممالک کی پابندیوں کی خلاف ورزی کے الزام میں نشانہ بن چکے تھے۔

مزید پڑھیں: امریکی بحریہ کا ایرانی ڈرون کی نقل ’لوکس‘ کا کامیاب تجربہ

روس اور ترکی دونوں نے اس حملے پر تشویش ظاہر کی ہے۔ روس کا کہنا ہے کہ یہ حملے ان کے حقوق کی خلاف ورزی ہیں، جبکہ ترکی نے کہا کہ یہ واقعات نیویگیشن اور ماحول کے لیے خطرہ ہیں۔

یوکرین نے ابھی تک ذمہ داری قبول نہیں کی، لیکن میڈیا رپورٹس کے مطابق یہ حملے یوکرین کی سیکیورٹی سروس (SBU) کی طرف سے کیے گئے۔