تقریباً 24 ممالک کے 400 ارب پتیوں نے عالمی رہنماؤں سے سپر رچ یعنی انتہائی امیر طبقے پر ٹیکس بڑھانے کا مطالبہ کر دیا ہے، یہ مطالبہ ورلڈ اکنامک فورم کے موقع پر جاری ہونے والے ایک کھلے خط میں سامنے آیا ہے۔
یہ بھی پڑھیں: 2025 میں دنیا کے 10 امیر ترین افراد: کن کی دولت میں کمی آئی اور کون مزید امیر بن گئے؟
خط میں کہا گیا ہے کہ انتہائی دولت سیاست کو آلودہ کررہی ہے، سماجی عدم مساوات بڑھ رہی ہے اور ماحولیاتی بحران تیز ہو رہا ہے۔ خط میں شامل معروف شخصیات میں اداکار و فلمساز مارک رفلّو، موسیقار برائن اینو اور فلم پروڈیوسر و فلاحی شخصیت ایبیگیل ڈزنی کے نام شامل ہیں۔
Davos tradition: millionaires and billionaires write an open letter calling for higher taxes on the super rich
This year 400 millionaires and billionaires signed the letter
“We all know this. When even millionaires, like us, recognise that extreme wealth has cost everyone else… pic.twitter.com/WNuwMZtsxA
— Mr Family Office (@MrFamilyOffice) January 21, 2026
خط میں مزید کہا گیا کہ چند عالمی اولیگارکس نے ہماری جمہوریتوں کو خرید لیا ہے، حکومتوں پر قبضہ کیا ہے، میڈیا کی آزادی کو دبایا ہے اور ٹیکنالوجی و جدت پر قبضہ کر کے غربت اور سماجی بُحران کو بڑھایا ہے۔
خط میں یہ بھی کہا گیا کہ جب خود ملینئرز بھی تسلیم کر رہے ہیں کہ انتہائی دولت نے باقی دنیا کو سب کچھ سے محروم کر دیا ہے تو اس سے زیادہ واضح اشارہ اور کیا ہو سکتا ہے کہ معاشرہ خطرناک حد تک کھائی کی طرف جا رہا ہے۔
یہ بھی پڑھیں: امریکا کے 10 امیر ترین افراد کی دولت میں ایک سال میں 700 ارب ڈالر کا اضافہ، آکسفیم کا انکشاف
فوربز کے مطابق امریکا میں صدر ڈونلڈ ٹرمپ کی دوبارہ صدارت کے بعد تشکیل پانے والی کابینہ گزشتہ سال تاریخ کی سب سے امیر کابینہ قرار پائی، جس کی مشترکہ دولت کا اندازہ گزشتہ اگست میں 7.5 ارب ڈالر لگایا گیا تھا۔
پٹریاٹک ملینئرز گروپ کے لیے کیے گئے ایک سروے میں 77 فیصد ملینئرز نے کہا کہ انتہائی امیر افراد سیاسی اثرورسوخ خریدتے ہیں۔
اسی ہفتے ترقیاتی تنظیم آکسفیم نے رپورٹ جاری کی کہ گزشتہ سال ریکارڈ تعداد میں لوگ ارب پتی بنے ہیں، جس کے بعد عالمی سطح پر ارب پتیوں کی تعداد پہلی بار 3 ہزار سے تجاوز کر گئی۔
