وزیراعلیٰ پنجاب مریم نواز نے لاہور گلبرگ میں انڈیگو پلازہ میں آتشزدگی پر بروقت قابو پانے اور انسانی جانے بچانے پر ریسکیو 1122 کے اہلکاروں کو خراج ٹھسین پیش کیا ہے۔
گلبرگ انڈگو ٹاور میں آتشزدگی کے واقعے میں 180 افراد کو بحفاظت نکال لیا گیا اور ایک بڑے سانحے سے بچاؤ ممکن ہو گیا۔ ریسکیو 1122 ٹیموں نے بروقت کارروائی کرتے ہوئے محصور افراد کو محفوظ مقام تک منتقل کیا۔
یہ بھی پڑھیں: لاہور کے حفیظ سینٹر میں دوبارہ آگ بھڑک اٹھی، حفاظتی اقدامات پر سوالات
وزیر اعلیٰ مریم نواز شریف نے بروقت اور کوئیک رسپانس کی قیادت کر کے صوبے کو بڑے نقصان سے بچایا، وزیر اعلیٰ کے حکم پر صوبائی وزیر فیصل کھوکھر، چیف سیکرٹری، ڈی جی ایل ڈی اے اور ڈی سی لاہور موقع پر پہنچ گئے اور آپریشن کی نگرانی کی۔
وزیر اعلیٰ نے ہدایت کی کہ جب تک آپریشن مکمل نہ ہو اور ایک ایک شخص بحفاظت نہ نکالا جائے، پوری ٹیم ریسکیو آپریشن جاری رکھے۔
ریسکیو 1122 کی جانب سے عمارت کی مکمل انسپکشن بھی جاری ہے تاکہ دوبارہ کسی خطرے سے بچا جا سکے۔
یہ بھی پڑھیں: گل پلازہ آتشزدگی: کیا یہ شارٹ سرکٹ نہیں بلکہ بچوں کی کارستانی ہے؟
پنجاب کے جدید فائر ہائیڈرنٹس نے اس واقعے میں اہم کردار ادا کیا اور منٹوں میں آگ بجھانے میں کامیابی حاصل کی، جسے وزیر اعلیٰ نے ایک کامیاب امتحان قرار دیا۔
وزیر اعلیٰ مریم نواز شریف نے پوری ریسکیو ٹیم کو خراج تحسین پیش کرتے ہوئے کہا کہ 180 زندگیوں کا بچ جانا محض اتفاق نہیں بلکہ سیف پنجاب کے وژن اور فعال ہائیڈرنٹ سسٹم کا نتیجہ ہے۔
