آئی سی سی انڈر 19 کرکٹ ورلڈ کپ کے سپر 6 مرحلے میں پاکستان نے شاندار کارکردگی کا مظاہرہ کرتے ہوئے نیوزی لینڈ کو 8 وکٹ سے شکست دے دی۔
یہ بھی پڑھیں: انڈر 19 ورلڈ کپ: پاکستان زمبابوے کو 8 وکٹوں سے ہراکر سپر سکس میں داخل
ہرارے میں کھیلے گئے اس میچ میں پاکستان نے 211 رنز کا ہدف نہایت آسانی سے حاصل کر لیا۔ پاکستان نے ٹاس جیت کر پہلے فیلڈنگ کرنے کا فیصلہ کیا تھا جو بہتر بھی ثابت ہوا۔
گرین شرٹس نے صرف 18 اوورز میں 2 وکٹ کے نقصان پر کامیابی اپنے نام کی جو ہدف 197 گیندیں قبل مکمل کیا گیا۔
پاکستان کی فتح میں سمیر منہاس نے نمایاں کردار ادا کیا۔ انہوں نے 39 گیندوں پر نصف سنچری مکمل کی اور 59 گیندوں پر 76 رنز کی شاندار ناقابل شکست اننگز کھیلی۔ ان کے پراعتماد کھیل نے میچ یکطرفہ بنا دیا۔
اس سے قبل نیوزی لینڈ کی ٹیم پاکستانی بولرز کے سامنے بے بس نظر آئی اور 29ویں اوور میں 110 رنز بنا کر آؤٹ ہو گئی۔ کیوی بلے باز ہیوگو بوگیو 39 رنز کے ساتھ نمایاں رہے۔
مزید پڑھیے: انڈر 19 ورلڈ کپ: پاکستان نے اسکاٹ لینڈ کو 6 وکٹوں سے شکست دے دی
پاکستانی بولرز نے اجتماعی طور پر بہترین کارکردگی دکھائی۔ عدال سبحان نے 4 وکٹیں حاصل کیں۔ علی رضا نے 3 کھلاڑیوں کو پویلین کی راہ دکھائی جبکہ مومن قمر اور محمد صیام نے ایک، ایک وکٹ حاصل کی۔
پاکستانی ٹیم سپر 6 مرحلے میں 2 پوائنٹس کے ساتھ داخل ہوئی ہے جو اس نے زمبابوے کے خلاف فتح کے بعد حاصل کیے تھے۔ سیمی فائنل میں رسائی کے لیے پاکستان کو اپنے دونوں سپر 6 میچز جیتنے ہوں گے۔ سپر 6 مرحلے کا دوسرا اور اہم ترین میچ قومی ٹیم روایتی حریف بھارت کے خلاف یکم فروری کو کھیلے گی۔ ٹورنامنٹ کے سیمی فائنلز 3 اور 4 فروری کو کھیلے جائیں گے۔
مزید پڑھیں: انڈر 19 ورلڈ کپ: افغانستان نے ویسٹ انڈیز کو 138 رنز سے ہرا دیا
واضح رہے کہ سپر 6 کے ہر گروپ کی سرفہرست 2 ٹیمیں ناک آؤٹ مرحلے کے لیے کوالیفائی کریں گی جبکہ 16 ٹیموں پر مشتمل ٹورنامنٹ کا فائنل 6 فروری کو ہرارے اسپورٹس کلب میں ہی کھیلا جائے گا۔
Pakistan pacers run rampant in Harare! 🔥
New Zealand U19 are reduced to 67-5 in the 13th over 🏏#PAKvNZ | #PakistanFutureStars | #U19WorldCup pic.twitter.com/EzQXnIA68C
— Pakistan Cricket (@TheRealPCB) January 27, 2026
پاکستانی ٹیم
سمیر منہاس، حمزہ ظہور (وکٹ کیپر)، عثمان خان، احمد حسین، فرحان یوسف (کپتان)، حذیفہ احسن، محمد شایان، عبدالصبحان، مومن قمر، محمد سیام، علی رضا۔
نیوزی لینڈ ٹیم
مارکو الپے (وکٹ کیپر)، ہیوگو بوگ، ٹام جونز (کپتان)، سنیہتھ ریڈی، جیکب کوٹر، برینڈن میٹزوپولوس، جسکرن سندھو، کیلم سیمسن، میسن کلارک، ہنٹر شور، لیوک ہیریسن۔
