ٹاس کے بعد گفتگو کرتے ہوئے قومی انڈر 19 کرکٹ ٹیم کے کپتان نے کہا کہ ٹیم بھرپور کارکردگی دکھانے کی کوشش کرے گی۔ ان کا کہنا تھا کہ باؤلرز نے گزشتہ میچ میں عمدہ باؤلنگ کی، ٹیم میں ایک تبدیلی کی گئی ہے اور ہدف یہ ہے کہ بھارت کو بڑے مارجن سے شکست دی جائے۔
آئی سی سی انڈر 19 مینز کرکٹ ورلڈ کپ میں پاکستان کے کپتان فرحان یوسف نے ٹاس جیت کر انڈیا کے خلاف پہلے فیلڈنگ کا فیصلہ کیا۔
36 اوورز کے کھیل میں انڈیا نے 6 وکٹوں کے نقصان پر 182رنز بنا لیے ہیں۔
سپر سکس مرحلے میں پاکستان انڈر 19 ٹیم اپنے آخری اور فیصلہ کن میچ میں روایتی حریف بھارت کا سامنا کر رہی ہے، یہ اہم مقابلہ آج زمبابوے کے شہر بلاوایو کے کوئنز اسپورٹس کلب میں کھیلا جا رہا ہے۔
یہ بھی پڑھیے: انڈر 19 ورلڈ کپ: سیمی فائنل کی امیدیں برقرار رکھنے کے لیے پاکستان کو بھارت کے خلاف بڑی فتح درکار
اوپنر ایرن جارج 16 رنز بنا کر عبدالسبحان کی گیند پر آؤٹ ہوئے۔ ویبھو سووریہ ونشی نے جارحانہ انداز اپناتے ہوئے 22 گیندوں پر 30 رنز اسکور کیے، تاہم وہ محمد سیام کی گیند پر حمزہ ظہور کے ہاتھوں کیچ آؤٹ ہوئے۔ کپتان آیوش مہاترے بغیر رن کے ہی پویلین لوٹ گئے۔
ویہان ملہوترا نے 21 رنز بنائے جبکہ ابھیگیان کنڈو 16 رنز کے مہمان ثابت ہوئے۔
پاکستانی انڈر 19 ٹیم کی جانب سے محمد سیام نے دو اہم وکٹیں حاصل کیں، جبکہ احمد حسین، عبدالسبحان اور علی حسن بلوچ نے ایک، ایک کھلاڑی کو آؤٹ کیا۔
Pakistan U19 playing XI for the Super Six match today 🇵🇰#PAKvIND | #PakistanFutureStars | #U19WorldCup pic.twitter.com/PSd6ZZ05HX
— Pakistan Cricket (@TheRealPCB) February 1, 2026
پاکستان اسکواڈ
فرحان یوسف (کپتان)، حمزہ ظہور (وکٹ کیپر)، سمیر منہاس، عثمان خان، احمد حسین، حذیفہ احسن، محمد شایان، عبد السبحان، مومن قمر، محمد سیام، علی رضا، عمر زیب، علی حسن بلوچ، دانیال علی خان، نقاب شفیق
Pakistan U19 playing XI for the Super Six match today 🇵🇰#PAKvIND | #PakistanFutureStars | #U19WorldCup pic.twitter.com/PSd6ZZ05HX
— Pakistan Cricket (@TheRealPCB) February 1, 2026
انڈیا اسکواڈ
ایوش مہاترے (کپتان)، ایرون جارج، ویبھاؤ سوری وشنشی، ویدانت ترودے، وِہان مَلھوترا، ابھیگین کُنڈو (وکٹ کیپر)، کانشک چوہان، آر ایس امبریش، کھیلان پٹیل، ہینل پٹیل، اُدھَو موہن، ہروَنش پنگالیا، محمد اینان، دیپیش دیوینڈرَن، کشان کمار سنگھ
