قومی کرکٹ ٹیم کے سابق کپتان اور معروف آل راؤنڈر شاہد آفریدی نے پاکستان کی جانب سے ٹی20 ورلڈ کپ میں بھارت کے ساتھ میچ نہ کھیلنے پر افسوس کا اظہار کیا ہے۔
سماجی رابطوں کی ویب سائٹ ایکس پر اپنے ردعمل میں انہوں نے کہا کہ میں ہمیشہ یقین رکھتا ہوں کہ کرکٹ وہ دروازے کھول سکتی ہے جو سیاست بند کر دیتی ہے۔
I’ve always believed cricket can open doors when politics closes them. It’s regrettable that Pakistan won’t play India at the #T20WorldCup, but I stand behind my government’s decision. This is the moment for @ICC to lead and prove through decisions, not statements, that it is…
— Shahid Afridi (@SAfridiOfficial) February 2, 2026
شاہد آفریدی نے کہا کہ یہ افسوسناک ہے کہ پاکستان اور بھارت کے درمیان میچ نہیں ہو گا تاہم وہ اپنی حکومت کے فیصلے کے ساتھ کھڑے ہیں۔ ساتھ ہی انہوں نے بین الاقوامی کرکٹ کونسل (آئی سی سی) سے مطالبہ کیا کہ وہ صرف بیانات نہیں بلکہ عملی اقدامات کے ذریعے یہ ثابت کرے کہ یہ ہر رکن ملک کے ساتھ غیر جانبدار، آزاد اور منصفانہ ہے۔
واضح رہے کہ حکومتِ پاکستان نے قومی کرکٹ ٹیم کو ٹی20 ورلڈ کپ میں شرکت کی اجازت دے دی ہے، تاہم پاکستان ٹیم بھارت کے خلاف اپنا طے شدہ میچ نہیں کھیلے گی۔
یہ بھی پڑھیں: پاکستان کا ٹی20 ورلڈ کپ میں انڈیا سے کھیلنے سے انکار، ’انڈیا سوائے ماتم کے کچھ نہیں کرسکتا‘
یاد رہے کہ واضح رہے کہ اس سے قبل آئی سی سی نے بھارت میں کھیلنے سے انکار پر بنگلہ دیش کو ورلڈ کپ سے باہر کر کے اس کی جگہ اسکاٹ لینڈ کو ایونٹ میں شامل کیا تھا۔ اس فیصلے پر چیئرمین پاکستان کرکٹ بورڈ محسن نقوی نے سخت ردعمل دیتے ہوئے آئی سی سی کے اقدام کو ناانصافی اور دہرا معیار قرار دیا تھا۔
محسن نقوی کا کہنا تھا کہ کوئی ایک ملک تمام فیصلے مسلط نہیں کر سکتا اور بنگلہ دیش پر بھی وہی اصول لاگو ہونے چاہییں جو دیگر ممالک پر ہوتے ہیں۔ انہوں نے مزید کہا کہ اگر کسی ملک کو سکیورٹی خدشات کی بنیاد پر کسی دوسرے ملک میں کھیلنے سے انکار کا حق حاصل ہے تو یہی حق بنگلہ دیش کو بھی دیا جانا چاہیے۔
