اسلام آباد ٹریفک پولیس کی جانب سے 3 فروری 2026 کے لیے ٹریفک ایڈوائزری جاری کردی گئی ہے۔
مزید پڑھیں: اسلام آباد میں گاڑیوں پر بلیک پرنٹڈ پیپرز اور غیرقانونی نمبر پلیٹس کے خلاف سخت کریک ڈاؤن جاری
ترجمان کے مطابق شام 5 بجے سے 6 بجے کے دوران ایکسپریس وے، مری روڈ اور کلب روڈ پر مختلف مقامات پر ٹریفک ڈائیورشنز لگائی جائیں گی، جس کے باعث ایکسپریس ہائی وے اور فیصل ایونیو پر ٹریفک کا دباؤ بڑھنے کا امکان ہے۔
ایڈوائزری میں کہا گیا ہے کہ راولپنڈی سے اسلام آباد آنے والے شہری راول روڈ راولپنڈی، نائنتھ ایونیو، فقیر ایپی روڈ اور سرینگر ہائی وے کا استعمال کریں۔ اسی طرح اسلام آباد سے راولپنڈی جانے والے حضرات زیرو پوائنٹ، سرینگر ہائی وے کے ذریعے نائنتھ ایونیو اختیار کریں۔
مری اور بارہ کہو سے اسلام آباد آنے جانے والے شہریوں کو کورنگ روڈ، بنی گالہ، پارک روڈ اور لہتراڑ روڈ استعمال کرنے کی ہدایت کی گئی ہے، جبکہ سرینا اور بارہ کہو سے راولپنڈی جانے والوں کے لیے پارک روڈ کھنہ تجویز کیا گیا ہے۔
ترجمان اسلام آباد پولیس کے مطابق شہری کسی بھی قسم کی تازہ معلومات کے لیے ٹریفک ہیلپ لائن 1915 یا پکار 15 پر رابطہ کر سکتے ہیں۔
مزید پڑھیں: اسلام آباد میں کب سے کب تک ٹریفک کی روانی متاثر رہے گی؟
ایڈوائزری میں مزید بتایا گیا ہے کہ اسلام آباد ٹریفک پولیس کے افسران شہریوں کی سہولت کے لیے سڑکوں پر موجود ہوں گے۔
