ٹی20 ورلڈ کپ کے 21ویں میچ میں امریکا نے شاندار کارکردگی کا مظاہرہ کرتے ہوئے نیدرلینڈز کو 93 رنز کے بڑے مارجن سے شکست دے دی۔
چنئی میں کھیلے گئے میچ میں امریکا کے 197 رنز کے ہدف کے تعاقب میں نیدرلینڈز کی ٹیم 15.5 اوورز میں 103 رنز پر ڈھیر ہوگئی۔ شاندار بولنگ پر ہرمیت سنگھ کو 4 وکٹیں حاصل کرنے پر میچ کا بہترین کھلاڑی قرار دیا گیا۔
یہ بھی پڑھیں: ٹی20 ورلڈ کپ: پاکستان نے امریکا کو 32رنز سے شکست دے دی
نیدرلینڈز کی جانب سے باس ڈی لیڈے 23 رنز کے ساتھ ٹاپ اسکورر رہے جبکہ کپتان اسکاٹ ایڈورڈز 20 رنز بنا سکے۔ وین ڈر مروی 10 رنز کے مہمان ثابت ہوئے۔
امریکا کی طرف سے ہرمیت سنگھ نے چار وکٹیں حاصل کیں جبکہ شیدلے وین نے تین کھلاڑیوں کو آؤٹ کیا۔
یہ بھی پڑھیں: ٹی20 ورلڈ کپ، انڈیا نے امریکا کو شکست دے کر سپر ایٹ مرحلے کے لیے کوالیفائی کرلیا
اس سے قبل امریکا نے مقررہ اوورز میں 6 وکٹوں کے نقصان پر 196 رنز بنائے اور نیدرلینڈز کو جیت کے لیے 197 رنز کا ہدف دیا تھا۔ ستیجا مکاملا نے 51 گیندوں پر 79 رنز کی شاندار اننگز کھیلی جبکہ شبھم رنجانے 48 اور کپتان مونانک پٹیل 36 رنز کے ساتھ نمایاں رہے۔
نیدرلینڈز کی جانب سے باس ڈی لیڈے نے 37 رنز کے عوض 4 وکٹیں حاصل کیں۔
