آئی سی سی ٹی 20 ورلڈ کپ کے دوران پاکستان کرکٹ بورڈ کے چیئرمین محسن نقوی کے سری لنکا کے دارالحکومت کولمبو کے دورے کا امکان ہے۔
میڈیا رپورٹس کے مطابق محسن نقوی کولمبو پہنچ کر قومی ٹیم سے ملاقات کریں گے، اور میچ بھی دیکھیں گے۔
مزید پڑھیں: آئی سی سی ٹی20 ورلڈکپ: اگر پاک بھارت میچ بارش کے باعث منسوخ ہوگیا تو کیا ہوگا؟
میڈیا رپورٹس کے مطابق بنگلہ دیش کرکٹ بورڈ کے صدر امین الاسلام بھی کولمبو میں موجود ہوں گے، جبکہ ایشین کرکٹ کونسل کے دیگر اراکین کی آمد بھی متوقع ہے۔
اس کے علاوہ پاکستان اور بھارت کے اہم میچ کے موقع پر آئی سی سی کے اعلیٰ حکام کی کولمبو آمد بھی ممکن ہے۔
ٹی 20 ورلڈ کپ میں پاکستان اور بھارت کے درمیان میچ اتوار کو کولمبو میں شیڈول ہے۔
موسمی حالات کے حوالے سے امکان ہے کہ کولمبو میں 2 سے 3 دن کے دوران کبھی ہلکی اور کبھی تیز بارش ہو سکتی ہے۔
میچ کی تیاریاں جاری ہیں، پاکستان ٹیم نے جمعے کو 2 روز کے وقفے کے بعد دوبارہ ٹریننگ کا آغاز کیا۔ کھلاڑی نیٹ پر بولنگ، بیٹنگ اور فیلڈنگ کی پریکٹس کر رہے ہیں تاکہ بھارت کے خلاف میچ کے لیے مکمل طور پر تیار رہیں۔
مزید پڑھیں: پریماداسا اسٹیڈیم میں پاکستان نے اب تک کتنے ٹی20 میچز کھیلے اور نتائج کیا رہے؟
شائقین کرکٹ روایتی حریف پاکستان اور بھارت کا میچ دیکھنے کے لیے بے تاب ہیں، پاکستان میں کئی مقامات پر اسکرینیں لگا کر میچ دیکھنے کے انتظامات کیے گئے ہیں۔
