لاہور کے علاقے جنوبی چھاؤنی میں 2 بہنوں کے ساتھ اجتماعی زیادتی کے افسوسناک واقعے پر وزیراعلیٰ پنجاب مریم نواز شریف کی ہدایات پر چیئرپرسن پنجاب ویمن پروٹیکشن اتھارٹی حنا پرویز بٹ نے فوری نوٹس لیتے ہوئے ڈی آئی جی آپریشنز لاہور سے تفصیلی رپورٹ طلب کر لی ہے۔
مزید پڑھیں:بھارت، منی پور میں اغوا اور اجتماعی زیادتی کی شکار خاتون انتقال کر گئی
ابتدائی معلومات کے مطابق ملزمان نے رشتہ دکھانے کا جھانسہ دے کر لڑکیوں کو ہوٹل لے جا کر زیادتی کی اور ویڈیو بھی بنائی۔ پولیس نے مرکزی ملزمان کے ساتھ ہوٹل مالک اور منیجر کو گرفتار کر لیا ہے جبکہ مزید تحقیقات جاری ہیں۔
مزید پڑھیں:اداکارہ کے ساتھ اجتماعی زیادتی کے کیس میں ملزمان کو 20 سال قید کی سزا
حنا پرویز بٹ نے کہا کہ خواتین کی عزت و حرمت پر حملہ ناقابل برداشت ہے اور ملزمان کو عبرتناک سزا دلائی جائے گی۔ انہوں نے متاثرہ بہنوں کو مکمل قانونی، طبی اور نفسیاتی معاونت فراہم کرنے کی ہدایت دیتے ہوئے کہا کہ کیس کی شفاف اور تیز رفتار تفتیش یقینی بنائی جائے گی۔ انہوں نے واضح کیا کہ خواتین کے تحفظ پر کوئی سمجھوتا نہیں ہوگا اور حکومت زیرو ٹالرنس پالیسی پر عمل پیرا ہے۔
