پاکستان سپر لیگ (پی ایس ایل) کے سیزن 11 کے آغاز سے قبل نئی فرنچائز سیالکوٹ اسٹالینز کے شیئرز سے متعلق تنازع سامنے آ گیا ہے۔
آسٹریلیا میں مقیم کاروباری شخصیت محمد شاہد نے دعویٰ کیا ہے کہ وہ فرنچائز کے 76 فیصد شیئرزکے مالک ہیں جبکہ 24 فیصد شیئرز رکھنے والے شریک حمزہ مجید نے ان کے ساتھ فراڈ کیا ہے اور ان کی اجازت کے بغیر مزید شیئرز فروخت کرنے کی کوشش کر رہے ہیں۔
Mohammad Shahid, owner of PSL franchise @PSLStallionz claims he holds 76% shares & alleges partner Hamza Majeed (24%) is attempting to sell additional shares without authorization.
Shahid says he has informed the PCB & PSL management and reserves the right to take legal action. pic.twitter.com/Lg3MwUpftg
— Ubaid Awan (@UbaidAwan) February 18, 2026
محمد شاہد نے اپنے ویڈیو بیان میں الزام عائد کیا کہ حمزہ مجید زیادہ منافع کی خاطر ان کے حصے کے شیئرز مہنگے داموں فروخت کرنے کی کوشش کر رہے ہیں جو کہ غیر قانونی ہے۔
انہوں نے کہا کہ اس معاملے سے پاکستان کرکٹ بورڈ (پی سی بی) اور پی ایس ایل انتظامیہ کو آگاہ کر دیا گیا ہے اور ضرورت پڑنے پر قانونی چارہ جوئی بھی کریں گے۔
یہ بھی پڑھیں: سیالکوٹ اسٹیلینز نے پی ایس ایل 11 کے لیے اسٹیو اسمتھ کو سائن کرلیا
محمد شاہد نے کہا کہ وہ 27 برس بعد پاکستان آئے ہیں۔ وہ میمن ہیں اور ان کا تعلق کراچی سے ہے۔ وہ ملک میں سرمایہ کاری کرکے ترقی میں کردار ادا کرنا چاہتے ہیں۔ تاہم معاملات شفاف انداز میں نہیں چلائے جا رہے۔ انہوں نے کہا کہ حمزہ مجید کو کیفر کردار تک پہنچائیں۔
