امریکا کے محکمہ خارجہ کی جانب سے جاری اعلامیے میں بتایا گیا ہے کہ امریکی وزیرِ خارجہ مارکو روبیو نے واشنگٹن ڈی سی میں وزیرِ اعظم محمد شہباز شریف سے ملاقات کی۔
اعلامیے کے مطابق مارکو روبیو نے غزہ کے حوالے سے صدر ڈونلڈ ٹرمپ کے امن منصوبے کی حمایت اور بورڈ آف پیس کے افتتاحی اجلاس میں بانی رکن کی حیثیت سے شرکت پر پاکستان کا شکریہ ادا کیا۔
مزید پڑھیں: عام آدمی کے لیے آسان ٹیکس نظام، وزیرِاعظم شہباز شریف نے خصوصی ہدایات جاری کردیں
انہوں نے 31 جنوری کو بلوچستان میں ہونے والے حملوں اور 6 فروری کو اسلام آباد میں ہونے والے بم دھماکے پر افسوس کا اظہار کرتے ہوئے دہشتگردی کے خلاف جنگ میں دونوں ممالک کے درمیان جاری شراکت داری کی اہمیت کو دہرایا۔
Met today with Pakistani Prime Minister @CMShehbaz. Appreciate Pakistan’s ongoing support of @POTUS’s Peace Plan for Gaza and for joining the Board of Peace. In our meeting, we discussed the importance of our strategic relationship on critical minerals development and… pic.twitter.com/vMSl6i4bvz
— Secretary Marco Rubio (@SecRubio) February 19, 2026
ملاقات میں حالیہ اہم معدنیات سے متعلق وزارتی اجلاس میں پاکستان کی شرکت کا خیرمقدم کیا گیا۔ دونوں رہنماؤں نے اہم معدنی وسائل، توانائی کے شعبے کی ترقی اور امریکی کمپنیوں کے لیے پاکستان میں سرمایہ کاری کے مواقع پر بھی تبادلۂ خیال کیا۔
مزید پڑھیں: صدر آصف زرداری اور وزیراعظم شہباز شریف کی اہل پاکستان کو رمضان المبارک کے آغاز پر مبارکباد
مارکو روبیو نے سوشل میڈیا پوسٹ میں کہا کہ آج وزیرِاعظم محمد شہباز شریف سے ملاقات کی۔ پاکستان کی صدر ڈونلڈ ٹرمپ کے غزہ امن منصوبے کی حمایت اور بورڈ آف پیس میں شرکت کی قدر کرتا ہوں۔ ہماری ملاقات میں اہم معدنی وسائل کی ترقی اور دہشتگردی کے خلاف ہمارے اسٹریٹجک تعلقات پر بات ہوئی۔
