بھارتی ریاست کرناٹک کے کلبوراگی ضلع میں واقع ڈاکٹر ملکاریڈی ہومییوپیتھک کالج میں ایک امتحان کے دوران تشدد کا واقعہ پیش آیا، جب ایک طالب علم نے نقل کرتے پکڑے جانے پر اپنے پروفیسر پر حملہ کر دیا۔
یہ بھی پڑھیں: چینی روبوٹ کو اپنی ایجاد ظاہر کرنے پر بھارتی یونیورسٹی کو اے آئی امپیکٹ سمٹ سے باہر کر دیا گیا
سی سی ٹی وی فوٹیج میں دکھایا گیا کہ اسسٹنٹ پروفیسر شیوراجکمار نے شہباز نامی طالب علم کو موبائل فون کے ذریعے جواب نقل کرتے ہوئے رنگے ہاتھوں پکڑا۔ پروفیسر نے شہباز کا جواب نامہ ضبط کیا اور اسے کلاس سے باہر جانے کا حکم دیا، جس کے بعد صورتحال بگڑ گئی۔
Video: Stopped From Cheating, Medical Student Attacks Professor In Karnataka https://t.co/Z69AKTdLme pic.twitter.com/6ju09vxxku
— NDTV News feed (@ndtvfeed) February 20, 2026
غصے میں آ کر شہباز نے پروفیسر پر حملہ کر دیا۔ دیگر طلبا نے فوری طور پر شہباز کو قابو میں کر کے ہال سے باہر نکالا، تاہم شہباز دوبارہ ہال کی طرف آیا اور پروفیسر پر ایک اور حملہ کیا۔
یہ بھی پڑھیں: بدانتظامی اور اسکینڈلز سے دوچار بھارتی اے آئی سمٹ کو ایک اور دھچکا، بل گیٹس کی شرکت منسوخ
اس واقعے کے بعد کالج انتظامیہ نے شہباز کے والدین کو مطلع کیا اور اسے آئندہ تمام امتحانات سے معطل کردیا۔ سی سی ٹی وی فوٹیج واضح ہونے کے باوجود اسسٹنٹ پروفیسر شیوراجکمار نے اب تک پولیس میں شکایت درج نہیں کرائی۔
