اسلام آباد میں گاڑیوں کی ایم ٹیگ رجسٹریشن کا عمل جاری ہے اور اب تک 2 لاکھ 30 ہزار 650 گاڑیوں پر ایم ٹیگ نصب کیا جا چکے ہیں۔
دارالحکومت میں گزشتہ روز 1,357 گاڑیوں کو ایم ٹیگ جاری کیے گئے جبکہ رمضان المبارک کے دوران بھی تمام رجسٹریشن سینٹرز فعال رہیں گے تاکہ شہری با آسانی اپنی گاڑیوں پر ایم ٹیگ حاصل کر سکیں۔
یہ بھی پڑھیں: موٹرسائیکلوں پر بھی ایم ٹیگ لگانے کا فیصلہ، کب سے آغاز ہوگا؟
محکمہ ایکسائز کی ٹیموں کی کارروائی کے دوران بغیر ایم ٹیگ گاڑیاں تحویل میں لے کر متعلقہ تھانوں میں منتقل کی جا رہی ہیں۔
شہر کی مرکزی شاہراہوں اور چیک پوائنٹس پر نصب جدید ریڈرز سے گاڑیوں کی مسلسل ایم ٹیگ اسکیننگ بھی جاری ہے، تاکہ بغیر ٹیگ گاڑیوں کی نقل و حرکت محدود کی جا سکے۔
مزید پڑھیں: اسلام آباد میں ایم ٹیگ ریڈرز کی تنصیب مکمل، خلاف ورزی کرنے والوں کو جرمانے ہوں گے
ڈی جی ایکسائز نے شہریوں سے اپیل کی ہے کہ وہ قریبی سینٹرز سے جلد از جلد اپنی گاڑیوں پر ایم ٹیگ نصب کرائیں تاکہ کسی بھی قانونی کارروائی سے بچا جا سکے۔
