وفاقی وزیر مملکت برائے داخلہ طلال چوہدری نے رمضان سہولت بازار جی سکس کا دورہ کیا۔ دورے کے دوران انہوں نے حکومتی ریٹس پر عملدرآمد اور اشیا کی کوالٹی کا جائزہ لیا اور رمضان بازار میں آئے گاہکوں سے مکالمہ بھی کیا۔
مزید پڑھیں: ڈی سی اسلام آباد اور وفاقی وزیر طارق فضل چوہدری کا رمضان بازاروں کا دورہ، اشیاء کی قیمتوں اور معیار کا جائزہ
طلال چوہدری نے عوام دوست رمضان بازار قائم کرنے پر ضلعی انتظامیہ اسلام آباد کو سراہا۔ ڈپٹی کمشنر اسلام آباد عرفان میمن کی جانب سے وزیر مملکت برائے داخلہ کو بریفنگ دی گئی۔
وزیر مملکت داخلہ نے کہاکہ لوگوں سے ملاقات کی ہے، سب نے اطمینان کا اظہار کیا ہے۔ اسلام آباد ہونے کے باوجود یہاں قیمتیں قریبی تمام بڑے شہروں سے کم ہیں۔
طلال چوہدری نے کہاکہ بازار میں اشیا کی کوالٹی، قیمتیں اور دیگر سہولیات بہت بڑی بات ہے۔
وزیر مملکت داخلہ نے مزید کہاکہ وزیراعظم کا بڑا فوکس ہے، اگر دو روپے قیمت بڑھ جائے تو وہ پوچھ گچھ کرتے ہیں۔ اسلام آباد انتظامیہ اس پر شاباش کی مستحق ہے۔ خریدار بھی اس بات کا اظہار کر رہے ہیں کہ ریٹ بھی کم ہیں اور سہولیات بھی موجود ہیں۔
مزید پڑھیں: رمضان المبارک کا آغاز، وفاقی دارالحکومت میں رمضان بازار سج گئے
طلال چوہدری نے گارنٹی دیتے ہوئے کہاکہ جو منڈی کا ریٹ ہے، وہی اس بازار کا ریٹ ہے۔
