پاکستان کی مسلح افواج نے افغان طالبان کے خلاف جاری آپریشن ’غضب للحق‘ میں اہم کامیابی حاصل کی ہے۔ تازہ اطلاعات کے مطابق طالبان کو بھاری جانی اور عسکری نقصان پہنچا ہے، اور پاکستان ایئر فورس نے اہم اہداف کو فضائی حملوں کے ذریعے نشانہ بنایا۔
یہ بھی پڑھیں:ترکیہ اور قطر نے پاک افغان کشیدگی ختم کرانے کی کوششیں تیز کر دیں
آپریشن کے دوران افغان طالبان کے 331 جنگجو ہلاک اور 500 سے زائد زخمی ہوئے۔ طالبان کے 22 اہم چوکیوں کو قبضے میں لیا گیا اور 104 چیک پوسٹس مکمل طور پر تباہ کر دی گئیں۔ اس کے علاوہ 163 ٹینک اور دیگر مسلح گاڑیاں بھی تباہ کی گئی ہیں۔
پاکستان ایئر فورس نے ملک بھر میں 37 مقامات کو فضائی حملوں کے ذریعے نشانہ بنایا، جن میں کابل، قندوز، غزنی، قندھار اور امن صوبہ شامل ہیں۔ امن صوبہ میں طالبان کے ایک بٹالین ہیڈکوارٹر کو مکمل طور پر فضائی حملے کے ذریعے تباہ کر دیا گیا، جس کی تصدیق سیکیورٹی ذرائع نے کی ہے۔
یہ بھی پڑھیں:پاک افغان جنگ: مذہبی قیادت کہاں کھڑی ہے؟
اس آپریشن کے نتائج سے ظاہر ہوتا ہے کہ پاکستان کی فورسز نے افغان طالبان کی اہم چوکیوں اور عسکری ڈھانچے کو شدید نقصان پہنچایا ہے، اور فضائی حملوں کے ذریعے دشمن کے اہداف پر بھرپور دباؤ برقرار رکھا ہے۔ تازہ ترین اطلاعات کے مطابق پاکستان کی زمینی اور فضائی افواج کا یہ مشترکہ آپریشن ’غضب للحق‘ موثر انداز میں جاری ہے اور دشمن کی عسکری صلاحیت کو محدود کرنے میں کامیابی حاصل ہوئی ہے۔
