وزیراعظم پاکستان شہباز شریف کی زیرِ صدارت علاقائی اور پاکستان کی سیکیورٹی صورتحال پر جائزے کے لیے اعلی سطح اجلاس ہوا، جس میں علاقائی و خطے کی صورتحال کا تفصیلی جائزہ لیا گیا۔
وزیراعظم آفس کے مطابق اجلاس میں پاکستان کے خطے میں امن کے قیام کے لیے کردار اور مختلف اقدامات زیر غور آئے، اجلاس میں افغانستان کی صورتحال کا بھی بغور جائزہ لیا گیا۔
وزیرِ اعظم محمد شہباز شریف کی زیرِ صدارت علاقائی اور پاکستان کی سیکیورٹی صورتحال پر جائزے کیلئے اعلی سطح اجلاس
اجلاس میں علاقائی و خطے کی صورتحال کا تفصیلی جائزہ لیا گیا.
اجلاس میں پاکستان کے خطے میں امن کے قیام کیلئے کرادر اور مختلف اقدامات زیر غور آئے
اجلاس میں افغانستان… pic.twitter.com/0BtGKoHnUW
— PTV News (@PTVNewsOfficial) March 1, 2026
اجلاس کو ملک کی داخلی صورتحال اور سیکیورٹی انتظامات پر بھی بریفنگ دی گئی۔
وزیراعظم کی ہدایت پر پاکستانی شہریوں کے ایران سے انخلا کے اقدامات کا بھی جائزہ لیا گیا، ان کی بحفاظت واپسی کے لیے دفتر خارجہ نے تفصیلی بریفنگ دی۔
حکام نے بتایا کہ آذربائیجان کے ذریعے پاکستانی شہریوں کے ایران سے انخلا کو ممکن بنایا جا رہا ہے۔
اجلاس میں نائب وزیراعظم و وزیرِ خارجہ سینیٹر اسحاق ڈار، فیلڈ مارشل سید عاصم منیر، وفاقی وزرا احسن اقبال، محسن نقوی، اعظم نذیر تارڑ، احد خان چیمہ، عطااللہ تارڑ، علی پرویز ملک، معاون خصوصی طارق فاطمی اور اعلی سول و عسکری حکام نے شرکت کی۔
