سوشل میڈیا پر ایک نوٹیفیکیشن گردش کر رہا ہے جس میں دعویٰ کیا گیا ہے کہ کابینہ ڈویژن نے ملک کی تمام بندرگاہوں پر داخلے کو حفاظتی وجوہات کی بنیاد پر عارضی طور پر معطل کرنے کا حکم دیا ہے جو 10 مارچ 2026 تک نافذ رہے گا۔
🚨 FAKE NEWS ALERT 🚨
Claim:
A notification circulating on social media claims that the Cabinet Division has ordered the "temporary suspension of all port entries in Pakistan" due to the security situation until March 10, 2026.FACT:
The notification is FABRICATED. No such… pic.twitter.com/xVOpNOBCau— Fact Checker MoIB (@FactCheckerMoIB) March 5, 2026
وزارتِ اطلاعات نے سوشل میڈیا پر گردش کرنے والے نوٹیفکیشن کے حوالے سے واضح کیا ہے کہ کابینہ ڈویژن کی جانب سے بندرگاہوں کے داخلے معطل کرنے کا کوئی حکم جاری نہیں کیا گیا۔ وزارت کے مطابق، 10 مارچ 2026 تک بندرگاہیں بند کرنے کی خبر من گھڑت ہے اور کابینہ ڈویژن یا وزارتِ بحری امور نے ایسا کوئی فیصلہ نہیں کیا۔
عوام سے اپیل کی گئی ہے کہ وہ سوشل میڈیا پر پھیلائی جانے والی غیر مصدقہ خبروں سے محتاط رہیں اور صرف سرکاری ذرائع سے تصدیق شدہ معلومات پر اعتماد کریں۔
یہ بھی پڑھیں: پاکستان کو متبادل روٹ سے تیل کی سپلائی، سعودی عرب کی مکمل حمایت
واضح رہے کہ اسرائیل اور ایران کے درمیان گذشتہ کئی روز سے حالات کشیدہ ہیں اور دونوں جانب سے ایک دوسرے پر فضائی حملے جاری ہیں جبکہ ایران کی جانب سے خلیجی ممالک میں امریکی تنصیبات کو نشانہ بنایا جا رہا ہے۔ ماہرین کے مطابق اس کشیدگی سے خلیجی ممالک کی معیشت متاثر ہو گی۔
پاکستان کی بیشتر پیٹرولیم سپلائی آبنائے ہرمز کے راستے آتی ہے جس کے متبادل کے طور پر یانبو کا روٹ اہم قدم قرار دیا جا رہا ہے۔ اس سلسلے میں وفاقی وزیر پیٹرولیم علی پرویز ملک نے سعودی عرب کے سفیر نواف سعید المالکی سے ملاقات کی، جس میں پاکستان کے لیے بحیرہ احمر میں واقع بندرگاہ یانبو کے ذریعے خام تیل کی متبادل سپلائی روٹ کی یقین دہانی کرائی گئی۔
یہ بھی پڑھیں: ایران اسرائیل جنگ: خلیجی ممالک کی فضائی حدود بند، پروازیں معطل، مسافروں کو ہدایات جاری
علی پرویز ملک کے مطابق سعودی ذرائع نے یانبو سے سپلائی کی سیکیورٹی اور پاکستان کے لیے ترجیحی رسائی کی ضمانت دی ہے، جبکہ ایک جہاز کو پاکستان کے لیے خام تیل اٹھانے کے لیے روانہ کرنے کی بھی یقین دہانی کرائی گئی۔
