سعودی عرب میں تعینات پاکستان کے سفیر احمد فاروق نے اوورسیز پاکستانیوں سے کہا ہے کہ موجودہ علاقائی کشیدگی کے دوران صبر، نظم و ضبط اور ذمہ داری کا مظاہرہ کریں۔ انہوں نے کمیونٹی کو خبردار کیا کہ سوشل میڈیا پر گردش کرنے والی افواہوں پر یقین نہ کریں اور صرف مستند ذرائع سے معلومات حاصل کریں۔
یہ بھی پڑھیں:پاکستان ایمبیسی نے سعودی عرب میں پھنسے 91 پاکستانیوں کی بحفاظت واپسی یقینی بنائی
احمد فاروق نے اپنے بیان میں کہا کہ پاکستانی کمیونٹی گھبراہٹ یا بے چینی کا شکار نہ ہو اور تحمل سے کام لے۔ انہوں نے اوورسیز پاکستانیوں کو ہدایت کی کہ کسی بھی غیر مصدقہ خبر یا افواہ پر بھروسہ نہ کریں کیونکہ اس سے پینک پھیل سکتا ہے۔
سفیر نے مزید کہا کہ ضرورت پڑنے پر پاکستانی براہِ راست سفارتخانے سے رابطہ کریں، جس کے لیے رابطہ نمبرز جاری کیے گئے ہیں تاکہ بروقت رہنمائی اور مدد فراہم کی جا سکے۔ انہوں نے اوورسیز کمیونٹی پر زور دیا کہ وہ موجودہ حالات میں اتحاد اور ذمہ داری کے ساتھ رویہ اختیار کریں اور صرف سرکاری اور معتبر ذرائع پر اعتماد کریں۔
