پنجاب کے دارالحکومت لاہور میں ملک کی پہلی سمارٹ روڈ روٹ 47، جو شہر کی ٹریفک اور انفراسٹرکچر میں ایک نئی جہت کا اضافہ کر رہی ہے۔
یہ روڈ اپریل 2025 میں مکمل ہوئی تھی، اب مکمل طور پر فعال ہے اور شہریوں کو جدید سہولیات فراہم کر رہی ہے۔
پنجاب سینٹرل بزنس ڈسٹرکٹ ڈیولپمنٹ اتھارٹی سی بی ڈی پنجاب کی جانب سے تیار کی گئی یہ روڈ 4.5 کلومیٹر لمبی ہے اور کلمہ چوک سے گزرتے ہوئے فیروزپور روڈ، گلبرگ مین بولیوارڈ، والٹن روڈ اور لاہور رنگ روڈ کو جوڑتی ہے۔ اس کی تعمیر پر قریباً 9 ارب روپے کی لاگت آئی ہے۔
یہ نہ صرف پاکستان کی پہلی سمارٹ روڈ ہے بلکہ یہ انرجی جنریشن کی صلاحیت بھی رکھتی ہے۔ روٹ 47 کی نمایاں خصوصیات میں تقریباً ایک کلومیٹر لمبا فلائی اوور، پیدل چلنے والوں اور سائیکل سواروں کے لیے الگ لینز، بارش کے پانی کو جمع نہ ہونے دینے کا جدید ڈیزائن، اور فٹ پاتھ پر نصب سولر پینلز شامل ہیں۔ مزید جانیے اس رپورٹ میں۔
