پیٹرولیم مصنوعات کی قیمتوں میں حالیہ اضافے کے فوری بعد پورٹ قاسم پر پیٹرول سے لدے 4 جہاز پہنچ گئے ہیں۔
جس سے ملک میں پیٹرول کی بڑی مقدار دستیاب ہونے کا امکان ظاہر کیا جا رہا ہے۔
پورٹ حکام کے مطابق ان جہازوں کے ذریعے تقریباً 25 کروڑ لیٹر پٹرول پاکستان پہنچ چکا ہے۔
یہ بھی پڑھیں:تیل سے لدے 3 جہازوں کی آج پاکستان آمد، کیا ان سے تیل کی ضرورت پورا ہوگی اور قیمتیں کم ہوں گی؟
حکام کا کہنا ہے کہ ایک جہاز سے 37 ہزار ٹن پیٹرول کی منتقلی مکمل کر لی گئی ہے، جبکہ ایک اور جہاز سے 50 ہزار ٹن پیٹرول کی ترسیل کا عمل جاری ہے۔
بندرگاہ پر تیل کی ترسیل کا عمل مرحلہ وار جاری رکھا گیا ہے تاکہ سپلائی چین متاثر نہ ہو۔
پورٹ حکام کے مطابق آئندہ چند دنوں میں مزید پیٹرول بردار جہاز بھی پورٹ قاسم پہنچیں گے۔
مزید پڑھیں: عالمی تجارت اور پیٹرولیم کی ترسیل کے لیے 6 اہم ترین بحری راستے کونسے ہیں؟
55 ہزار ٹن پیٹرول سے لدا ایک جہاز 12 مارچ کو لنگر انداز ہوگا جبکہ 13 مارچ کو ایک اور جہاز پہنچ کر 34 ہزار ٹن پیٹرول اتارے گا۔
حکام کا کہنا ہے کہ ان کھیپوں کی آمد سے ملک میں پیٹرول کی دستیابی مزید بہتر ہونے کی توقع ہے۔
