پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی کے درمیان جیل میں ملاقات کروا دی گئی۔
میڈیا رپورٹس کے مطابق یہ ملاقات معمول کے طے شدہ دن پر جیل کے کانفرنس روم میں ہوئی جو قریباً 30 منٹ تک جاری رہی۔
ملاقات کے دوران دونوں کے درمیان مختلف امور پر تفصیلی گفتگو کی گئی۔
میڈیا رپورٹس میں کہا گیا ہے کہ بات چیت میں بانی پی ٹی آئی عمران خان کی صحت، آنکھ کے مسئلے اور اس کے جاری علاج سے متعلق امور زیرِ بحث آئے۔
اس کے علاوہ عدالتوں میں زیرِ سماعت اپیلوں اور دیگر قانونی معاملات پر بھی تبادلہ خیال کیا گیا۔
ملاقات کے اختتام پر جیل حکام نے عمران خان اور بشریٰ بی بی کو دوبارہ ان کے اپنے اپنے سیلز میں منتقل کردیا۔
