وفاقی حکومت نے خطے کی موجودہ صورت حال کے پیش نظر سرکاری دفاتر میں ہفتے میں 4 دن کام کرنے کی منظوری دیدی۔
کابینہ ڈویژن نے سرکاری دفاتر کے لیے ہفتے میں 4 روزہ ورک شیڈول کا نوٹیفکیشن جاری کر دیا۔
کابینہ ڈویژن میں ہفتے میں چارایام کار اور تین تعطیلات کا نوٹیفکیشن جاری کردیا
سرکاری دفاتر میں پیر،منگل،بدھ اور جمعرات کو کام ہوگا،نوٹیفکیشن
سرکاری دفاترمیں جمعہ،ہفتہ اور اتوار کو چھٹی ہوگی،نوٹیفکیشن pic.twitter.com/2r9PhdtM7x— Aamir Ilyas Rana (@RanaAamirilyas) March 10, 2026
نوٹیفکیشن کے مطابق سرکاری دفاتر میں پیر، منگل، بدھ اور جمعرات کو کام ہوگا جبکہ جمعہ، ہفتہ اور اتوار کو چھٹی رہے گی۔
واضح رہے کہ مشرق وسطیٰ کی کشیدہ صورت حال کے باعث پیٹرولیم بحران کے خدشے کے پیش نظر حکومت نے اہم اقدامات کی منظوری دی ہے۔
گزشتہ روز وزیراعظم نے قوم سے خطاب میں ان اہم فیصلوں کا اعلان کیا تھا، جن میں ہفتے میں 4 دن کام کرنے کا فیصلہ بھی شامل تھا۔
