سعودی عرب کے شہر عسیر کے مختلف دیہات میں رمضان المبارک کے مقدس مہینے کے دوران روایتی تقریبات اور ثقافتی سرگرمیوں کا انعقاد کیا جا رہا ہے.
عسیر میں رمضان المبارک کے دوران منعقدہ ان تقریبات میں مقامی افراد کے ساتھ ساتھ سیاح بھی بڑی تعداد میں شرکت کر رہے ہیں۔
ان تقریبات کا مقصد رمضان کی روایتی اقدار کو اجاگر کرنے اور علاقے کے ثقافتی ورثے کو فروغ دینا ہے۔
یہ بھی پڑھیں: سعودی عرب میں رمضان کی روایت، کافی اور کھجوریں مہمان نوازی کی علامت
تقریبات کے دوران روایتی کھانوں کی تیاری، مقامی دستکاریوں کی نمائش اور قدیم طرز کے کھیلوں کا انعقاد کیا جا رہا ہے۔
مقامی فنکار اور کاریگر اپنے فن کا مظاہرہ کرتے ہیں جبکہ آنے والے زائرین کو عسیر کی منفرد ثقافت اور روایات کو قریب سے دیکھنے اور سمجھنے کا موقع مل رہا ہے۔
مزید پڑھیں: سعودی عرب میں ابتدائی اسلامی دور کے شہر قُرح کے آثار، تجارتی اور سماجی رونق کی داستان
مقامی انتظامیہ کے مطابق یہ سرگرمیاں نہ صرف علاقے کی ثقافت کو زندہ رکھنے میں مددگار ثابت ہو رہی ہیں بلکہ سیاحت کے فروغ میں بھی اہم کردار ادا کر رہی ہیں۔ یہ اقدامات سعودی وژن 2030 کے اہداف کے مطابق ملک میں سیاحت کو فروغ دینے کی کوششوں کا حصہ ہیں۔
منتظمین کا کہنا ہے کہ رمضان المبارک کے دوران مزید تقریبات اور سرگرمیوں کے انعقاد کی بھی توقع ہے تاکہ زیادہ سے زیادہ لوگوں کو عسیر کی روایتی ثقافت اور مقامی طرز زندگی سے روشناس کرایا جا سکے۔
