وزیراعظم محمد شہباز شریف کی زیر صدارت وفاقی وزارت ہاؤسنگ اینڈ ورکس کے امور پر اجلاس وزیراعظم ہاؤس میں منعقد ہوا۔ اجلاس میں کم آمدنی والے طبقے کے لیے رہائش کی فراہمی، سستے گھروں کے منصوبے، نجی شعبے کی حوصلہ افزائی اور عوامی سہولیات کی بہتری کو ترجیحات میں شامل قرار دیا گیا۔
مزید پڑھیں: وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
وزیراعظم نے ہاؤس فنانس کی سہولیات عام آدمی تک مؤثر انداز میں پہنچانے کے لیے عملی اقدامات اٹھانے کی ہدایت کی۔ اجلاس کو وزارت ہاؤسنگ اینڈ ورکس کے اسٹریٹجک روڈ میپ پر بریفنگ دی گئی۔
وزیراعظم محمد شہباز شریف کی زیر صدارت وفاقی وزارت ہاؤسنگ اینڈ ورکس کے امور پر اجلاس
کم آمدنی والے طبقے کے لیے رہائش کی فراہمی، سستے گھروں کے منصوبے بشمول نجی شعبے کی حوصلہ افزائی اور عوامی سہولیات کی بہتری ہماری ترجیحات میں شامل ہیں : وزیراعظم@AmirSaeedAbbasi @PMLNDigital pic.twitter.com/5mbTXGpwOg— Media Talk (@mediatalk922) March 18, 2026
اجلاس میں بتایا گیا کہ تعمیرات کے شعبے میں ٹیکس اسٹرکچر کی اصلاحات جاری ہیں اور فیڈرل بورڈ آف ریونیو و صوبوں کے ساتھ مشاورت کے ذریعے ٹیکس اسٹینڈرڈائزیشن پر کام ہو رہا ہے۔ ہاؤس مورٹگیج اصلاحات کے مسودے پر بھی مشاورت جاری ہے۔
مزید بتایا گیا کہ پبلک پرائیویٹ پارٹنرشپ کے تحت کم آمدنی والے افراد کے لیے گھروں کی تعمیر کے لیے لائحہ عمل تیار کیا جا رہا ہے، اور رئیل اسٹیٹ اور ہاؤسنگ کے شعبے کے ضابطہ کار کے لیے ریئل اسٹیٹ ریگولیٹری اتھارٹی کے قیام کی منصوبہ بندی کی گئی ہے۔
ہاؤس فنانس کے حوالے سے رئیل اسٹیٹ انویسٹمنٹ ٹرسٹ پر وزارت خزانہ، ایف بی آر، سیکیورٹیز اینڈ ایکسچینج کمیشن اور صوبائی وزارت ہاؤسنگ کے ساتھ مل کر کام جاری ہے۔
مزید پڑھیں: وزیراعظم محمد شہباز شریف نے پی ٹی وی کے انگریزی چینل ’پاکستان ٹی وی ڈیجیٹل‘ کا افتتاح کردیا
اجلاس میں وفاقی وزرا اعظم نذیر تارڑ، احد خان چیمہ، محمد اورنگزیب، ریاض پیرزادہ، شزا فاطمہ، رانا ثنا اللہ، بلال اظہر کیانی اور دیگر اعلیٰ سرکاری افسران نے شرکت کی۔
