پاکستان تحریک انصاف کے بانی چیئرمین عمران خان اس بار بھی عید جیل میں ہی گزاریں گے۔
یہ بھی پڑھیں: عطا تارڑ کا جمائما گولڈ اسمتھ کو جواب، عمران خان کے بچوں سے عید پر رابطے کی یقین دہانی
یہ ان کی جیل میں 5ویں عید ہوگی۔ سیکیورٹی پابندیوں کے باعث وہ ماضی میں نماز عید ادا نہیں کر سکے تھے تاہم عید پر نئے کپڑے ان تک پہنچا دیے گئے تھے۔
چیئرمین پی ٹی آئی بیرسٹر گوہر کے مطابق اس مرتبہ جیل انتظامیہ نے عمران خان کے عید کے کپڑے واپس کر دیے۔
جیل ذرائع کا کہنا ہے کہ جیل میں عید کے موقعے پر نماز کا باقاعدہ اہتمام کیا جاتا ہے اور نسینٹرل جیل راولپنڈی کی مرکزی جامع مسجد میں اور جیل کالونی کی مسجد اور امام بارگاہ میں بھی نماز عید کا اہتمام کیا جاتا ہے۔ تاہم سیکیورٹی وجوہات کی بنیاد پر اہم قیدیوں یا سنگین نوعیت کے مقدمات میں ملوث افراد کو سیل سے باہر آنے کی اجازت نہیں دی جاتی جس کے باعث عمران خان نماز عید میں شریک نہ ہو سکے تھے۔ اس مرتبہ بھی ان کی نماز عید میں عدم شرکت کا ہی امکان ہے۔
مزید پڑھیے: عمران خان کی دوسری آنکھ بھی ضائع ہونے کا خدشہ ہے، علیمہ خان نے عید کے بعد کا پلان بتا دیا
چیئرمین پی ٹی آئی بیرسٹر گوہر علی خان نے بتایا ہے کہ عمران خان کے لیے عید کے نئے کپڑے اڈیالہ جیل بھجوائے گئے تھے تاہم جیل انتظامیہ نے انہیں واپس کر دیا۔
ان کے مطابق اس صورتحال کے باعث عمران خان اس عید پر نئے کپڑے نہیں پہن سکیں گے۔
انہوں نے مزید کہا کہ پارٹی قیادت کی جانب سے عید پر عمران خان سے ملاقات کے لیے جیل جانے کا کوئی ارادہ نہیں ہے اور نہ ہی کسی قسم کا احتجاج کیا جائے گا۔
مزید پڑھیں: عمران خان اور بشریٰ بی بی کی جیل میں ملاقات کرا دی گئی
انہوں نے کہا کہ وہ خود اپنے آبائی حلقے بونیر میں سیلاب متاثرین کے ساتھ عید منائیں گے۔
