پاک بحریہ نے پیپلز لبریشن آرمی (نیوی) کے جہاز داچنگ کا پرتپاک استقبال کیا جو چوتھی دو طرفہ مشق ’سی گارڈین‘ میں شرکت کے لیے 25 مارچ سے 2 اپریل 2026 تک پاکستان میں موجود رہے گا۔
یہ بھی پڑھیں: پاکستان اور چین کی افواج کی مشترکہ انسداد دہشت گردی مشق جاری، چینی سفیر کی شرکت
جہاز کی کراچی آمد پر سہولت اور روایتی جوش و جذبے کے ساتھ پرتپاک استقبال کیا گیا اور پاک بحریہ کے جہازوں نے اسے بندرگاہ میں اسکورٹ کیا۔
’سی گارڈین‘ مشقوں کا مقصد دوستی بحریہ کے درمیان سمندری مہارت کے تبادلے اور آپریشنل ہم آہنگی کو مزید مضبوط کرنا ہے جو خطے میں امن کے لیے دونوں ممالک کی مشترکہ وابستگی کی عکاسی کرتا ہے۔
مشقوں میں بندرگاہ اور سمندر دونوں میں سرگرمیاں شامل ہوں گی جن میں ماہرین کے اجلاس، نوجوان افسران کے سیمینار، گنری فائرنگ، مربوط گشت اور دیگر سمندری سیکیورٹی آپریشن شامل ہیں۔
’سی گارڈین‘ مشقوں کی سیریز پاکستان اور چین کے مضبوط تعلقات اور خطے میں امن و استحکام کے مشترکہ عزم کی عکاس ہے۔
مزید پڑھیے: پاک چین مشترکہ سمندری سائنسی مہم کا آغاز ہوگیا
توقع کی جاتی ہے کہ یہ مشقیں اسٹریٹجک شراکت داری کو مزید مضبوط کریں گی اور خطے میں سمندری ماحول کو مستحکم بنانے میں مددگار ثابت ہوں گی۔
