ایرانی سفارت خانہ اسلام آباد نے سوشل میڈیا پر پاکستان کے خلاف گردش کرنے والے ایک جعلی اکاؤنٹ سے متعلق باضابطہ وضاحت جاری کرتے ہوئے کہا ہے کہ HosseinNejat1@ نامی اکاؤنٹ مکمل طور پر جعلی ہے اور اس کا ایران کے کسی سرکاری یا سفارتی ادارے سے کوئی تعلق نہیں۔
یہ بھی پڑھیں: آبنائے ہرمز سے پاکستانی پرچم بردار کئی آئل ٹینکرز تحفتاً بھیجے گئے، صدر ٹرمپ کا انکشاف
سفارتخانے کے مطابق مذکورہ اکاؤنٹ کی جانب سے پاکستان پر بے بنیاد الزامات عائد کیے گئے تھے، جن میں دعویٰ کیا گیا کہ پاکستان آبنائے ہرمز کے راستے تیل کی نقل و حمل کر کے اسے ایران کے دشمن ممالک کو فروخت کررہا ہے۔ ایرانی سفارتخانے نے ان الزامات کو جھوٹا اور گمراہ کن قرار دیتے ہوئے سختی سے مسترد کردیا۔
This accounts is fake and it tires to spout venom in the brotherly and friendly relations of Iran and Pakistan.https://t.co/m4ZK0gDqDD pic.twitter.com/gVdiG8pplV
— Embassy of IR Iran Pakistan (@IraninIslamabad) March 27, 2026
جاری بیان میں کہا گیا کہ جعلی اکاؤنٹ کا مقصد پاکستان اور ایران کے درمیان برادرانہ اور دوستانہ تعلقات کو نقصان پہنچانا اور دونوں ممالک کے عوام کے درمیان بداعتمادی پیدا کرنا ہے۔
سفارتخانے نے واضح کیا کہ ایسی منفی سرگرمیاں دونوں ممالک کے مضبوط تعلقات کو متاثر نہیں کرسکتیں۔
یہ بھی پڑھیں: پاکستان ایران کے ساتھ کھڑا ہے، قومی اتحاد کی ضرورت ہے، اسحاق ڈار کی میڈیا بریفنگ
ایرانی سفارتخانے نے عوام اور سوشل میڈیا صارفین پر زور دیا کہ غیر مصدقہ اکاؤنٹس اور معلومات کو شیئر کرنے سے گریز کریں اور صرف مستند و سرکاری ذرائع پر اعتماد کریں۔
بیان میں اس عزم کا اعادہ بھی کیا گیا کہ پاکستان اور ایران کے درمیان تاریخی، مذہبی اور ہمسایہ ممالک پر مبنی تعلقات مضبوط ہیں اور کسی بھی قسم کی سازش دونوں ممالک کی دوستی کو کمزور نہیں کرسکتی۔
