پاکستان کے خلاف آخری ٹیسٹ میچ کھل کر ریٹائر ہو جاؤں گا، ڈیوڈ وارنر

آسٹریلین کرکٹ ٹیم کے اوپننگ بیٹر ڈیوڈ وارنر نے ٹیسٹ کرکٹ سے ریٹائرمنٹ لینے کا فیصلہ کر لیا، انکا کہنا ہے کہ سڈنی کرکٹ گراؤنڈ میں پاکستان کے خلاف آخری میچ کھیل کر ریٹائر ہو جاؤں گا۔

غیرملکی میڈیا کے مطابق ڈیوڈ وارنر نے پاکستان کے خلاف جنوری 2024 میں ٹیسٹ سیریز مکمل کر کے ریٹائرمنٹ لینے کا فیصلہ کیا ہے، اگلے سال جنوری میں پاکستان اور آسٹریلیا کے درمیان سیریز کا تیسرا ٹیسٹ میچ انکے ہوم گراؤنڈ سڈنی کرکٹ اسٹیڈیم میں کھیلا جائے گا جو انکا آخری میچ ہوگا۔

ڈیوڈ وارنر نے غیر ملکی میڈیا سے گفتگو کرتے ہوئے کہا کہ 2024 میں ویسٹ انڈیز اور امریکا میں ہونے والا ٹی 20 ورلڈ کپ میرے کیریئر کا اختتام ہوسکتا ہے۔

پاکستان اور آسٹریلیا کے درمیان 3 میچز کی ٹیسٹ سیریز شیڈول ہے، پاکستان کرکٹ ٹیم دسمبر 2023 سے جنوری 2024 میں سیریز کھیلنے آسٹریلیا جائے گی۔

مزید پڑھیں

• پاکستان کرکٹ ٹیم کے دورہ آسٹریلیا کا شیڈول جاری

  

• آسٹریلیا کی ون ڈے کرکٹ ڈیوڈ وارنر سے محروم ہوگئی

  

• بھارت کے ساتھ ٹیسٹ سیریز آسٹریلیا میں کھیلنے کے لیے تیار ہیں، نجم سیٹھی

  

شیڈول کے مطابق دونوں ٹیموں کے درمیان پہلا ٹیسٹ میچ 14 سے 18 دسمبر تک پرتھ اسٹیڈیم میں کھیلا جائے گا جبکہ دوسرا ٹیسٹ 26 سے 30 دسمبر تک میلبرن کرکٹ اسٹیڈیم میں کھیلا جائے گا اور تیسرا ٹیسٹ 3 سے 7 جنوری تک سڈنی میں کھیلا جائے گا۔