پاکستان تحریک انصاف (پی ٹی آئی) سے وابستہ اور دیگر پاکستان مخالف سوشل میڈیا اکاؤنٹس کی جانب سے جس ویڈیو کو پاک فوج کے خلاف پروپیگنڈا کے لیے استعمال کیا جا رہا ہے، وہ درحقیقت سری نگر کے رہائشی غازی شہزاد کی ہے۔
مکمل ویڈیو کے تناظر میں واضح ہوتا ہے کہ غازی شہزاد نے یہ بیان قابض بھارتی افواج کی مبینہ بربریت کو بے نقاب کرنے کے لیے دیا تھا، تاہم ویڈیو کے ایک مخصوص حصے کو سیاق و سباق سے ہٹا کر گمراہ کن انداز میں پیش کیا جا رہا ہے۔
مقبوضہ کشمیر سری نگر میں 17 مارچ 2025 کو ایک دل دہلا دینے والی ویڈیو میں کشمیری رہائشی غازی شہزاد نے بھارتی فوج کی سری نگر میں مبینہ وحشیانہ کارروائیوں کا انکشاف کیا تھا۔
مزید پڑھیں: امریکا اور بھارت کا مشترکہ اعلامیہ یک طرفہ اور گمراہ کن ہے: پاکستان
ویڈیو کے مطابق، ایک معصوم کشمیری باپ اور اس کی بیٹی، جس کی شادی محض ایک ماہ بعد ہونے والی تھی، بھارتی فوج کے افسران کے مبینہ جھوٹے الزامات اور ریاستی دہشتگردی کا شکار ہوئے۔
بتایا گیا ہے کہ ایک بھارتی فوجی میجر نے باپ اور بیٹی کو اغوا کیا، اور اس کے بعد قریباً 30 فوجیوں نے نوجوان عورت کے ساتھ اس کے باپ کے سامنے وحشیانہ اجتماعی زیادتی کی۔
جس وڈیو کو PTI سے منسلک اکاؤنٹس پاک فوج سے جوڑ رہے ہیں وہ پوری ڈھونڈ نکالی ہے
جس میں غازی شہزاد انڈین مقبوضہ کشمیر سری نگر جیل کا کسی کا سنایا ہوا واقعہ بتا رہے ہیں
جس میں پاک فوج کا کہیں ذکر نہیں ہے لیکن لوگ پوری وڈیو سنے بغیر آدھی وڈیوز کو وائرل کررہے https://t.co/3Ufl6LO6j8 pic.twitter.com/GRIUUMV39Z
— Expose Propaganda (@EPropoganda1) February 19, 2025
باپ اس ہولناک واقعے کے بعد جذباتی طور پر ٹوٹ گیا اور بعد میں قید میں موت کی سزا کی درخواست کرنے پر مجبور ہوا، کیونکہ وہ اپنی بیٹی کے ساتھ پیش آئے ناقابل بیان مظالم کا سامنا دوبارہ نہیں کر سکتا تھا۔
غازی شہزاد کے مطابق، یہ واقعہ کشمیر میں بھارتی فوج کے روزمرہ مظالم کی محض ایک جھلک ہے۔ 1989 میں آرمڈ فورسز اسپیشل پاورز ایکٹ (AFSPA) کے نفاذ سے اب تک، کشمیری عوام پر جاری مظالم میں 1 لاکھ سے زائد کشمیری شہید، 10 ہزار سے زیادہ خواتین کے ساتھ جنسی زیادتیاں، 8 ہزار افراد لاپتا اور لاتعداد قیدیوں پر بیہیمانہ تشدد شامل ہے۔
مزید پڑھیں: مقبوضہ کشمیر میں تاریخی جامع مسجد کی مسلسل بندش، پاکستان کا شدید احتجاج
رپورٹس کے مطابق، 2025 میں بھی کشمیری شہریوں کے خلاف قتل، زیادتی اور اغوا جاری ہیں، اور بھارتی فوج بلا خوف و خطر جنگی جرائم کا ارتکاب کر رہی ہے۔
غازی شہزاد اور دیگر کشمیری رہائشیوں نے عالمی برادری سے اپیل کی ہے کہ وہ بھارتی فوج کے مظالم کی شدید مذمت کرے اور مقبوضہ کشمیر کو ظلم و دہشتگردی سے آزاد کرائے۔
