روس نے یوکرین کی صورتحال پر اقوام متحدہ کی سلامتی کونسل کا اجلاس 8فروری کو بلانے کی درخواست کر دی ہے۔
ایسوسی ایٹڈ پریس آف پاکستان (اے پی پی ) کا کہنا ہے کہ روسی خبر رساں ادارے کے مطابق اقوام متحدہ کی سلامتی کونسل میں یورپی ملک مالٹا کی مستقل نمائندہ ونیسا فریزیئر نے گزشتہ روز سلامتی کونسل کے رواں ماہ کے شیڈول کی تفصیلات سے متعلق پریس کانفرنس میں بتایا کہ روس کی درخواست پر یوکرین کی صورتحال پر سلامتی کونسل کا اجلاس 8 فروری کو منعقد ہو گا،تاہم انہوں نے اجلاس کی تفصیلات نہیں بتائیں۔
واضح رہے کہ رواں ماہ یوکرین پر سلامتی کونسل کے 3 اجلاس منعقد ہوں گے ۔ فرانس اور ایکواڈور کی درخواست پر یوکرین میں انسانی ہمدردی کی صورتحال پر اجلاس 6 فروری ، روس کی درخواست پر 8 فروری اور وزارتی اجلاس 24 فروری کو ہو گا۔
