پاکستان سپر لیگ (پی ایس ایل) 11 میں ملتان سلطانز کے بیٹر صاحبزادہ فرحان نے ایونٹ میں پہلی سینچری اسکور کردی۔
ملتان سلطانز کے بیٹر صاحبزادہ فرحان نے حیدرآباد کنگز مین کے خلاف جارحانہ بیٹنگ کرتے ہوئے 106 رنز کی اننگز کھیلی، اور یوں وہ پی ایس ایل 11 کی پہلی سینچری اسکور کرنے میں کامیاب رہے۔
SULTAN OF THE NIGHT!⭐#HBLPSL11 | #NewEra | #MSvHK pic.twitter.com/gWTROd6AOf
— PakistanSuperLeague (@thePSLt20) April 1, 2026
پاکستان سپر لیگ (پی ایس ایل) 11 کے آٹھویں میچ میں ملتان سلطانز نے صاحبزادہ فرحان کی شاندار سینچری کی بدولت حیدرآباد کنگزمین کو 6 وکٹوں سے شکست دیدی۔
لاہور کے قذافی اسٹیڈیم میں کھیلے گئے میچ میں پہلے بیٹنگ کرتے ہوئے حیدرآباد کنگزمین نے مقررہ 20 اوورز میں 5 وکٹوں کے نقصان پر 225 رنز اسکور کیے، تاہم ملتان سلطانز نے صاحبزادہ فرحان کی سینچری کی بدولت ہدف 18.4 اوورز میں حاصل کرلیا۔
یاد رہے کہ گزشتہ روز اسلام آباد یونائیٹڈ اور پشاور زلمی کے درمیان میچ بارش کے باعث منسوخ ہوگیا تھا، جس کے باعث دونوں ٹیموں کو ایک، ایک پوائنٹ دے دیا گیا۔
