امریکی صدر ڈونلڈ ٹرمپ نے اپنے تازہ خطاب میں ایران کے خلاف جنگ جاری رکھنے کا اعلان کرتے ہوئے کہا کہ امریکی افواج نے حالیہ کارروائیوں میں تیز، فیصلہ کن اور بھرپور کامیابیاں حاصل کی ہیں۔ انہوں نے دعویٰ کیا کہ دشمن کی اعلیٰ قیادت کو شدید نقصان پہنچا اور زیادہ تر رہنما ہلاک ہو چکے ہیں۔
صدر ٹرمپ نے کہا کہ امریکی فوج نے عراق اور دیگر خطوں میں بھرپور پی رفت کی، اور ’آپریشن ایپک فیوری‘ امریکا اور آزاد دنیا کے تحفظ کے لیے ضروری ہے۔
صدر نے ایران کی انقلابی گارڈ فورس اور ہتھیاروں کے نظام کو شدید نقصان پہنچانے کا بھی ذکر کیا اور کہا کہ ڈرون پروگرام، میزائل فیکٹریاں اور راکٹ لانچنگ کے نظام تباہ ہو چکے ہیں۔
اگر ایران کے ساتھ کوئی ڈیل نہ ہوئی تو ہم اب ان کے بجلی اور تیل کی ہر ایک تنصبات پر حملہ کریں گے : امریکی صدر ڈونلڈ ٹرمپ pic.twitter.com/xgyjWaSGzg
— WE News (@WENewsPk) April 2, 2026
انہوں نے ایران کے سابق کمانڈر قاسم سلیمانی کا حوالہ دیتے ہوئے کہا کہ ان کے خاتمے کے بعد ایران کی علاقائی حکمت عملی کو شدید دھچکا پہنچا اور امریکا کو برتری حاصل ہوئی۔ صدر نے سابق جوہری معاہدے کو ناکام اور تباہ کن قرار دیا اور کہا کہ اس کا خاتمہ ضروری اور درست فیصلہ تھا۔
صدر ٹرمپ نے دعویٰ کیا کہ ایران اپنے بیلسٹک میزائل پروگرام اور جوہری ہتھیاروں کے حصول میں ناکام رہا، اور امریکی افواج نے اس کے دفاعی صنعتی ڈھانچے، فضائیہ اور بحریہ کو ناقابلِ تلافی نقصان پہنچایا ہے۔
یہ بھی پڑھیں:امریکی صدر ڈونالڈ ٹرمپ کا ایران کے خلاف جنگ جاری رکھنے کا اعلان
انہوں نے مشرقِ وسطیٰ میں امریکا کے اتحادی ممالک اسرائیل، قطر، متحدہ عرب امارات، کویت اور بحرین کا شکریہ ادا کیا، اور کہا کہ ایران کے حملوں کے سبب عالمی سطح پر پیٹرول کی قیمتیں بڑھیں، جس کا ذمہ دار ایران ہے۔
میں ایران کو ایٹمی ہتھیار بنانے کی اجازت کبھی نہیں دونگا : ڈونلڈ ٹرمپ pic.twitter.com/i6XTmJiwEO
— WE News (@WENewsPk) April 2, 2026
صدر ٹرمپ نے امریکا کی معاشی اور فوجی طاقت پر زور دیا، کہا کہ امریکا دنیا کا سب سے بڑا تیل اور گیس پیدا کرنے والا ملک ہے، اور آبنائے ہرمز سے تیل درآمد کرنے کی ضرورت تقریباً ختم ہو گئی ہے۔ انہوں نے کہا کہ ایران کو فوجی، اقتصادی اور دفاعی نقصان پہنچا اور اس کے خطرات کم ہو گئے ہیں۔ صدر نے 13 امریکی فوجیوں کی قربانی کو خراجِ عقیدت پیش کیا اور کہا کہ امریکا ان کے مشن کو مکمل کرے گا۔
خطاب کے اختتام پر صدر ڈونلڈ ٹرمپ نے کہا کہ ایران کے خطرناک اقدامات اور جوہری خطرے سے امریکا جلد آزاد ہوگا، اور ملک پہلے سے زیادہ مضبوط، محفوظ اور خوشحال بن جائے گا۔ انہوں نے دعا کی کہ خدا امریکی افواج کی حفاظت کرے اور امریکا کو عالمی سطح پر برتری دے۔
