حال ہی میں ایک بھارتی صحافی نے پاکستانی نوجوان سے سوال کیا کہ پاکستان میں بالی ووڈ فلم ’دھرندر‘ کیوں بین کی گئی ہے جبکہ عوام اسے دیکھنے میں دلچسپی رکھتے ہیں۔ نوجوان نے جواب دیا کہ اصل وجہ شاید معلوم نہ ہو مگر اس پابندی کو ایک مثال کے ذریعے سمجھایا جا سکتا ہے۔
ان کا کہنا تھا کہ کرینہ کپور کی فلم ’جب وی میٹ‘ میں ان کا بوائے فرینڈ چھوڑ کر چلا جاتا ہے تو اس کو بہت غصہ آتا ہے، وہ اس لڑکے کو کچھ کہہ نہیں سکتی تو شاہد کپور اس کو مشورہ دیتا ہے کہ تم واش روم میں جاؤ اور اس کی تصویر جلا کر فلش کر دو اور اسے برا بھلا کہہ کر اپنا غصہ نکال لو۔ اور ایسی ہی حالت آپ لوگوں کی ہے۔
Indians will now think twice before inviting Pakistanis on their shows 😭😭 pic.twitter.com/tD6Xz0alPi
— Hafsah Malik (@SempreVinta11) April 2, 2026
انہوں نے بھارتی صحافی کو مزید کہا کہ گزشتہ سال آپ لوگوں کی جتنی دھلائی پاکستان نے کی ہے آپ کی اتنی جرات نہیں ہے کہ پاکستان کو ہاتھ لگا سکو اور میلی آنکھ سے دیکھ بھی سکو تو دھرندر اور بارڈر 2 جیسی فلمیں بنا کر جو زخم پاکستان نے آپ کو دیے ہیں آپ اپنا غصہ نکالنے کی کوشش کر رہے ہیں۔
ان کا تنقید کرتے ہوئے مزید کہنا تھا کہ بے وقوفی کا عالم ہے کہ آپ لوگوں کو لگ رہا ہے کہ جتنی بہادر آپ کی فوج بالی ووڈ کی فلموں میں ہے اتنی ہی بہادر اصل زندگی میں بھی ہے لیکن اصل میں ان کی اوقات کیا ہے وہ پاکستان نے ساری دنیا کو دکھا دی ہے۔
