معروف پاکستانی اداکارہ اور ہدایتکارہ ریما خان نے سوشل میڈیا پر لڑائی جھگڑوں میں شامل لوگوں کے لیے ایک مشورہ شیئر کیا۔
ریما خان کا کہنا تھا کہ’ زندگی نے مجھے بہت کچھ سکھایا ہے مگر ایک سبق بہت اچھی طرح سے سمجھ میں آ گیا کہ ہر لڑائی لڑنے کے قابل نہیں ہوتی، ہر بحث آپ کی عزت نہیں بڑھاتی اور ہر شخص توجہ کا اہل نہیں ہوتا‘۔
View this post on Instagram
ان کا کہنا تھا کہ ’زندگی سے سیکھیےکہ کب خاموشی اختیار کرنا زندگی کا سب سے طاقتور فیصلہ ہوتا ہے، کچھ چیزوں کے فیصلے وقت پر چھوڑ دیں۔ اپنی توانائیاں غلط لوگوں پر ضائع مت کریں کیونکہ کبھی کبھی خاموشی سب سے بڑا جواب ہوتا ہے‘۔
انہوں نے کیپشن میں لکھا کہ خاموشی خالی نہیں ہوتی، یہ طاقت، حکمت اور کنٹرول سے بھری ہوتی ہے۔ کبھی کبھار سب سے طاقتور جواب کوئی جواب نہ دینا ہی ہوتا ہے۔ خاموشی میں آپ امن قائم رکھتے ہیں، غور و فکر کرتے ہیں۔ خاموشی طاقت ہے یہ اس وقت بولتی ہے جب الفاظ ناکام ہو جائیں اور وہیں جیتتی ہے جہاں شور نہیں پہنچ سکتا۔
یہ بھی پڑھیں: مجھ سے جلنے والوں کی اپنی کوئی پہچان نہیں، دیدار کے الزامات پر ریشم کا سخت ردعمل
سوشل میڈیا صارفین کے خیال میں ریما خان کی ویڈیو ریشم کے لیے ہے، جبکہ دیگر نے کہا کہ انہوں نے واقعی ایک قیمتی مشورہ دیا ہے جو بہت لوگوں کو سننا ضروری تھا۔
واضح رہے کہ دیدار کی جانب سے عائد کیے گئے سنگین الزامات کے بعد ریشم نے خاموشی توڑتے ہوئے کہا تھا کہ لوگ ان کے فلاحی کام، خصوصاً لنگر کے باعث ان سے حسد کرتے ہیں۔ وہ یہ سوچتے ہیں کہ جب ہم ایسا نہیں کر رہے تو یہ کیوں کر رہی ہے۔ دیدار کا نام لیے بغیر تنقید کرتے ہوئے ریشم نے کہا کہ کچھ افراد کی اپنی کوئی مستقل شناخت نہیں ہوتی اور وہ دوسروں کے حوالے سے پہچانے جاتے ہیں۔
یہ بھی پڑھیں: اداکارہ دیدار نے اپنی سابقہ سہیلی ریشم پر سنگین الزامات عائد کردیئے
جبکہ دیدار نے حال ہی میں ایک شو میں شرکت کی جہاں انہوں نے ریشم پر تنقید کرتے ہوئے کہا کہ ریشم ایک بہت اچھی اداکارہ ہیں۔ وہ منفی کرداروں کو پیش کرنے میں بہترین ہیں انہوں نے بہت سے گھروں اور زندگیاں تباہ کی ہیں۔ وہ حقیقی زندگی میں بھی بہت منفی ہیں۔
